بأقلامكم.. محمد شافعي يكتب «باعتذرلك»

04:52 م

الإثنين 15/مايو/2017

بلدنا اليوم
 
إنى ديما كنت اقصر ف الكلام
وإنى بسرح لما أشوفك
ف ابتسملك والسلام
وإنى ناقص ف المعامله
والمجامله والاهتمام
وإنى عاجز إنى أفسر
صوت مشاعرى وإنى خام
وإن قلبى بيبكى جدا
لو يحسك هتسبيه
وإن حضنى ساعات مكنشِ
يسمح إنك تبقى فيه
وإنى عادى ومش مثالى
وإنى سهل ومش حويط
وإن بير أسرارى خالى
وإنى بنى آدم بسيط
وإنى ناقص كام بحبك كام عشقتك كام بغير
وإنى بسمح للعياط.. إنه يتحكم كتير
وإنى سبتك مره تبكى
وإنتى مش قد العياط
وإنى مره نسيت أشاركك
ف الزعل والانبساط
وإن كل وعودى خابت
وإن شعرة حزنى شابت
وإن أنا مليان خدوش
وإنى وحدانى انطوائى
وإنى بأذيكى بحيائى
وإن حبى واشتياقى
الكلام مابيوصفوش
بشكرك جدا لأنك
بتشلينى جوه منك
قابله بطباعى وكأنك
راضيه كل النقص فيا
وعد منى.. هبقى ليكى
وابقى قد المسؤليه
باعتذرلك ..
ads
ads
ads

تعديل الدستور المصرى

اوافق على التعديل
13%
لا اوافق وسيضر بالاستقرار فى ا
63%
غير مهتم
13%
اوافق بتعديل مواد مدد الرئيس
11%
ads
ads
<