سما المصري: لو لبست «مايوه» نيللي كريم هيتعمل عليا حفلة

ياسمين الشرقاوي

05:34 م

السبت 12/أغسطس/2017

بلدنا اليوم
 
عقدت الفنانة الاستعراضية سما المصري، مقارنة بين رد فعل الجمهور بين صورة للفنانة نيللى كريم بالمايوه، وبينها، قائلة: "بالنسبة لنيللى حرية شخصية لكن بالنسبة لسما المصرى قلة أدب وسفالة، طبعًا لو سما المصري اللي لابسة المايوه ده ومنزله الصورة كان زمان اتعمل عليا حفلة دلوقتي واتمسكلها طبلة ورق واشتغلت المواقع تقطيع في اللي جابوني من الصحفيين وولاد الحلال، طب ما الفنانات اللي بيسبقوني في السن وفي الفن لابسين مايوه أهو إشمعنا أنا، نيللى نجمة بردو أنا عارفة إن أنا بنت البطة السودة".

وتابعت: "أنا بحبك بردو يا نيللى ولا يبان عليكى السن والمايو يجنن عليكى، ربنا يحميكى وتمتعينا بالمايوهات الحلوة دى، هنزل أجيب مايوه زيه بالظبط ولا عزاء للمنافسين".

يذكر أن نيللي كريم شاركت في موسم دراما رمضان 2017 بمسلسل "لأعلى سعر"، من إنتاج شركة "العدل جروب"، ويشارك في بطولته عدد كبير من النجوم، على رأسهم نيللي كريم، وزينة، وأحمد فهمي، وأحمد مجدي، ومحمد حاتم، وسارة سلامة ورحمة، بالإضافة إلى النجمين نبيل الحلفاوي وسلوى محمد علي، وقام بكتابة القصة والسيناريو والحوار مدحت العدل، وهو من إخراج محمد العدل.
المزيد عن: أحمد فهمي
<