سما المصري توجه رسالة نارية لشيرين: «الله يرحم أيام الكحرتة»

أحمد جلال

01:37 م

الثلاثاء 14/نوفمبر/2017

بلدنا اليوم
 
حرصت الفنانة سما المصري، على انتقاد الفنانة شيرين عبدالوهاب بعد أن شبهت مياة نهر النيل بـ"البلهارسيا"، وذلك من خلال نشر صورة لها عبر حسابها الشخصي، على موقع الصور والفيديوهات الشهير"انستجرام".

وعلقت "سما" على الصورة قائلة: "إن كنتوا نسيتوا اللي جري، الله يرحم أيام الكحرتة، الأخت الفنانه شيرين في واحدة في حفلة طلبت منها أغنية "ماشربتش من نيلها" فردت عليها وقالت لها "هيجيلك بلهارسيا" اشربي مياه "ايفيان" أحسن ودا نوع مياه معدنيه أجنبي والكلام دا موجود في فيديو مش من عندي".

وأكملت: "دي صورة الأخت الفنانه شيرين أيام ماكان عندها بلهارسيا، أيام ما كانت بتشرب من مية النيل قبل ماتتعلم إنجليزي وتعرف تقول اسم الميه المعدنية بالإنجليزي، الله يرحم كنتي زمان فاكره الليبتون دا رئيس أمريكا وكنتي فاكره الكريسماس دي أيس كريم إنتي اللي قلتيلي كده فاكره؟".

وأضافت: "بصي انا مش هقولك مصر اللي عملتك ولا مصر اللي نضفتك زي ناس كتير ماهتقولك كده لا سمح الله لا أنا هقولك ميه البلهارسيا دي بتاعت مصر، عارفه يعني إيه مصر ولا مش عارفه؟، هي الميه دي اللي خلتك شيرين والعيب مش عليكي العيب على اللي لسه بيقول عليكي فنانة ونجمة وإنتي طايحة في خلق الله مرة عمرو دياب ومرة شريف مدكور وصوتي لعساف ضد أحمد جمال ابن بلدك".

وتابعت: "بصي يابنتي انا عارفة إنك بتحبي لبنان عشان ماعندهمش بلهارسيا زينا ريحينا منك ومن طولة لسانك على الناس وعلى مصر، اللي بقي يقل أدبه حتي علي مصر اللي ربتك إنتي وعيلتك كلها وروحي عيشي في لبنان والله هنكسر وراكي زير، بلد البلهارسيا ماتنفعش تعيش فيها واحده زيك بتاعت ميه معدنية وفساتين براندات وبارفانات وحاجات سيبي دا للغلابة".

واستطردت: ".فاكره مطعم الهابي دولفين في المنيل اللي نصر محروس أخدك منه وانتي بتغني هناك بالشبشب ابو ورده؟، لسه موجود المطعم ويشهد إنك كنتي مش لاقية حتي تشربي ميه البلهارسيا، لا إنتي عارفة كنتي بتشربي ميه إيه، أيوة هي الميه الصفرا دي هي دي الي كنتي بتشربيها اللي كلها أملاح دي، دي فعلًا اللي تليق ليكي، ياتروحي لبنان".

وأضافت: "ياترجعي تشربي الميه الصفراء المملحة، ياتعتذري لمصر، مصر اللي عملت منك فنانه وتعتذري للمصريين كلهم، ملعون أبو الشهره ياشيخه اللي نستك أصلك وأهلك وبلدك، يلعن ابو الأحداث، دا انتي مفيش دم ولا إحساس ولا اي حاجه، مصر بتمسي عليكي بصورتك القديمه دي وبتقولك اوعي تنسي نفسك لانك لو نسيتي المصريين مابينسوش يابتاعت الميه المعدنية".

واختتمت:"سبحان العاطي الوهاب بعد الشبشب والقبقاب يابنت عبد الوهاب، غوري بقي لو مش عاجبك البلهارسيا عشان انتي ماتستحقيش تقعدي ف مصر، طبعًا الحبيبة هيقولوا لي بصي للبسك الاول، أيوة أيوة بالبس كل حاجه وحشة في نظركم بس لا أهين بلدي واللي يهين بلدي اقطع له لسانه حتي لو اه ياليل، ليل اسود ياشيخه عليكي لما تتريقي علي بلدك.، اخس ع الفلوس اللي بتغير النفوس.
سما المصري توجه رسالة نارية لشيرين: «الله يرحم أيام الكحرتة»
سما المصري توجه رسالة نارية لشيرين: «الله يرحم أيام الكحرتة»
سما المصري توجه رسالة نارية لشيرين: «الله يرحم أيام الكحرتة»
سما المصري توجه رسالة نارية لشيرين: «الله يرحم أيام الكحرتة»
سما المصري توجه رسالة نارية لشيرين: «الله يرحم أيام الكحرتة»
<