«مستحيل نرجع تاني»..هشام ماجد يكشف سبب انفصاله فنيا عن أحمد فهمي وشيكو

تحدث الفنان هشام ماجد عن سبب انفصاله فنيا عن الفنان احمد فهمي والفنان شيكو وهو بسبب الخلافات المستمرة دائما بينهم.

هشام ماجد

سبب خلافات شكو وهشام ماجد وأحمد فهمي

وكشف هشام ماجد عن سبب انفصاله عنهم خلال لقاء تلفزيوني في برنامج "اسرار" مع الاعلامية أميرة بدر قائلاً: لما عملنا ورقة شفرة كان كل واحد بيشتغل جنبه شغلانة مختلفة، وكنا سايبنها على الله، وأول واحد إدالنا فرصة هو محمد حفظي، وأول حاجة عملناها كانت أفيش وتقفيش، كنا بناخد على الحلقة على الكتابة 800 جنيه وتمثيل 300 جنيه، وشيكو كان رافض الشغل معانا وكان عايز يكمل مهندس، وهو كان عنصر مهم جدًا، وهو اقوى واحد فينا في التمثيل.

هشام ماجد وأحمد فهمي وشيكو

واضاف: إحنا إصحاب من الجامعة، ولما جينا نعمل الرجل العناب فيلم، بعد ما عملناه مسلسل، اتفقنا أن أحمد فهمي هو اللي هيكتب هو وشريف نجيب بس، عشان ميحصلش مشاكل، ولما فهمي كتب الفيلم، أنا وشيكو كان عندنا اعتراضات على الفيلم، وفهمي شاف أن ده عدم تقدير له، فـ قفشنا في الجزء ده، وقررنا أننا منعملش الفيلم سوا، وفهمي قرر أنه ينفصل ويشتغل لوحده.

وأختتم ماجد: كان بقالنا كتير بيحصل خناقات بس ومبتبانش للناس، وطول الوقت كان فيه اختلافات، ومفيش فرقة مبيحصلش فيها اختلافات، ومحدش بيكمل وقليل اللي بيكمل، وأما حصل نفس الكلام، وبرضو بنتخانق أنا وشيكو بس مبتوصلش أننا ننفصل، وممكن نشتغل مع بعض إحنا التلاتة، بس منرجعش نبقى فرقة تاني، لأن خلاص كل واحد عمل شغل لوحده ونجح.

اخر أعمال هشام ماجد

يشارك الفنان هشام ماجد في المارثون الرمضاني بمسلسل "أشغال شقة" مع اسماء جلال ، وشيرين ، وانتصار ، سلوي محمد علي ، مصطفي غريب ، محمد عبدالعظيم ، محمد محمود ، حازم إيهاب ، أنعام سالوسة ومي كساب ، وآخرون ، والعمل من إخراج خالد دياب ، وتأليف شيرين وخالد دياب.