عبرت الفنانة نشوى مصطفى، عن سعادتها الشديدة، بعودتها للدراما من جديد، بعد غياب دام ل 10 سنوات عن الساحة، حيثاوضحت عن مشاركتها خالد النبوى فى مسلسله الجديد امبراطورية ميم
ونشرت نشوى مصطفى منشورًا، عبر صفحتها الشخصية على موقع التواصل الاجتماعي فيس بوك،قائلة فيه: تحويشة العشر سنين اللي فاتت اللي مشتغلتش فيهم آخرها جبر كبير، فرحانة إنى مخسرتش سنين عدت رغم قسوة إن الفنان مايمارسش فنه، بس الحقيقة ومعرفش هتصدقوني ولا لأ، لما كان يتعرض عليا دور مش حاساه، كنت بعتذر، وأنا بتقطع بس كنت بقول حقي في المرحلة دي، واللي باقي من العمر إني استمتع وأنا بعمل فن.
ووواصلت نشوى مصطفى: إيه متعة أكبر من إنى باذن الله أكون واحدة من فريق عمل عظيم وراقي، نص محترم، إخراج واعي، إنتاج لشركة أعمالها ترند وخالد النبوي، أقصد الخالد النبوي، خالد اسمه لازم يسبقه ألف ولام، بغض النظر عن حضوره اللي ربنا صارفهوله بزيادة، هو كمان ممثل هاند ميد، ممثل يعلى اي ممثل يقف قدامه، ممثل هاوى بيذاكر وبيعيش وبيحس بمنتهى إجتهاد الممثل الهاوي، بمنتهى الاحترافية، يا يا بختي حقيقي.
وفى ختام حديثها قالت نشوى مصطفى: بالمناسبة ده سادس عمل باذن الله أمثل فيه مع خالد، الشاطر يقول أسماء الأعمال اللي اشتغلت فيها مع خالد، هقول اسم العمل الأول وكنا لسه طلبة فى المعهد، مسرحية البحر بيضحك ليه وللاسف متسجلتش، كلى ثقة فى توفيق ربنا وكرمه باذن الله دعواتكم أكون عند حسن ظن حضراتكم.
تابعوا أخبار بلدنا اليوم على Google News
