بعد فيديوهات التحرش.. «فتاة التجمع» تتصدر قوائم البحث

نشرت فتاة أطلق عليها رواد مواقع التواصل الاجتماعي اسم «فتاة التجمع»، قوائم الأكثر بحثًا بعد نشرها مقطعي فيديو لرجلي قاما بمعاكستها أثناء وقوفها في إحدى الشوراع الرئيسية بمنطقة التجمع الخامس. 

وظهر خلال الفيديو شاب اعتذر لها، بينما تطاول عليها العجوز بكلمات خادشة للحياء، وعندما عرف أنها تصوره، قال لها: «صوري هتنزليها علي امسك متحرش، انا عايز اتشهر». 

الغريب في الأمر أن الفتاة حذفت مقطع فيديو الرجل العجوز الذي تحرش بها كما هو موضح بالفيديو، وتركت الفيديو الخاص بالشاب الذي اعتذر لها، وهو الأمر الذي عرضها لانتقادات لاذعة عبر مواقع التواصل الاجتماع.

وقام أحد الرواد بسرد الحكاية التي حدثت ما تدل علي ان الشاب لم يعاكس الفتاة قائلًا: «طيب الراجل ده النهاردة العصر ماشي بعربيته في شارع في التجمع لقي بنت راكنة عربيتها وفاتحة الموبايل بتصور في الناس فركن عربيته علي جمب ونزل قالها بالحرف كدة " ممكن أعزمك علي قهوة في الكافيه اللي جمبنا ده وشاور عليه لأن وقوفك في الشارع كدة هيعرضك للمضايقة من اللي رايح واللي جاي، فردت عليه قالتله إنت كمان بتدايقني فراح فورا قايلها طيب أنا أسف جداً وراح ماشي مكملش تلاتين ثانية علي بعض، بغض النظر عن اللي عمله صح ولا غلط إلا إنه لا غلط فيها ولا مد إيده عليها ولا تطاول بأي لفظ خارج عشان البنت تصوره الفديو ده وتنشره علي الفيسبوك وإنستجرام وتفضحه بالطريقة دي».

وتابع: « البنت دي نفسها وأي بنت تانية لو فتحنا الشات بتاعمم هتلاقيهم باعتين لمشاهير كتير جداً علي السوشيال ميديا هنا نفسهم يقابلوهم ويتصوروا معاهم وعمر مافيه حد فكر ينزلهم سكرين شوت ويفضحهم بالطريقة دي! الراجل ده شايف إنه مغلطش وميستحقش كل اللي حصل ده من واحدة أقل مايقال عنها إنها مريضة ومحتاجة تتعالج عشان تنزل تصور الناس بالشكل ده».

وأضاف: «الملفت بقي والغريب في نفس الوقت إن بعد ساعة وفي نفس المكان نفس البنت رفعت فديو جديد خالص في نفس الشارع مع راجل تاني مغلطش فيها برضو! طب إنتي إدايقتي إن واحد عاكسك وصورتيه ورفعتيه علي صفحتك إيه اللي رجعك تاني عشان تصوري واحد جديد إلا إنك حبيتي الموضوع أوي بقي! البوست ده مش دفاع عن حد.. البوست ده دفاع عن سمعة كل شخص معرض للتشهير علي اللي بقينا عايشين فيه ده لما فيديو في ساعة واحدة بس يجيب 200 ألف مشاهدة مين يحاسب وقتها علي سمعة الناس دي! وقفوا الفيديو ده عندكم يجماعة ومتشهروش بحد سمعة الناس مش لعبة نتسلي بيها.. ربنا يشفي كل مريض يارب».