السيسي: مرتبات الجيش والشرطة متواضعة

قال الرئيس عبد الفتاح السيسي، إن جميع الشهداء العسكريين والمدنيين قدموا ثمنا كبيرا حتى يعيش الوطن فى سلام وآمان ، جاء ذلك خلال الندوة التثقيفية الثلاثين للقوات المسلحة بمركز المنارة للمؤتمرات.

وأضاف "يا ترى بندى الجيش والشرطة مرتبات إيه؟، يا ترى بيقولونا عاوزين فلوس وبيقولوا مش هانكمل لحد ما تدولنا، لا حصلت ولا هاتحصل، والتمن اللى تم دفعه مايتعوضش خالص، ولو قلتلكم أرقام مرتبات الجيش والشرطة هاتستغربوا قوى، أرقام متواضعة وطول عمر الجيش والشرطة كان كده"..ومحدش أبدا طلب زيادة".

أعرب الرئيس عبدالفتاح السيسي، عن فخره واعتزازاه بوجوده مع أسر الشهداء قائلا: "موجودين هنا عشان نخلد الشرف، يعنى ياريت أقدر أعمل أي حاجة لأسرة كل شهيد".

وتابع: "مش هاقدر غير أقول إن ربنا يجمعنا بيهم فى مستقر رحمته، ويكون لينا نصيب معاهم فى المقام العالى قوي اللي يستحقوه لأنهم قدموا أرواحهم لأجل خاطر الناس ونعيش بسلام".

وأضاف الرئيس قائلاً: "كل لقاء أسال أهلى وقولهم مش عاوزين حاجة الإجابة بتكون عجيبة، هو بعد اللى قدم ابنها وزوجها أنا هاديها إيه؟.. ولا حاجة .. مش هاقدر أديها حاجة لأنها قدمت أغلى حاجة، فمهما عطيت مايسويش حاجة للى قدموه لبلدنا".