علق الشاعر بهاء الدين محمد على أزمة المطربة شيرين عبد الوهاب، التي أوقفتها نقابة الموسيقين عن الغناء بسبب تصريحات مسيئة لمصر، وجاء ذلك عبر صفحته الشخصية على موقع التواصل الاجتماعي "فيس بوك".
وكتب الشاعر الكبير: "أنا عارف طريقة وتفكير شيرين وواثق إنها مكنتش تقصد بالسجن (سياسة خالص)، وأكبر دليل على إنها لا تملك خبرة التوصيل أو التوضيح إنها مش عارفه لحد النهاردة تقول اللى باقوله ده.. وأقسم بالله إننا لا اتكلمنا ولا شوفنا بعض من سنين".
وأضاف: "المهم ياشيرين أسكتى وغنى بس.. ده أنا اللى الحمدلله أملك أدات الكلام بكل تمكن مانع نفسى بل رافض تمامًا أى حوار فى أى جهة إعلامية.. رفض تام لأن دورى أكتب فقط وكلامى هو أنا "وغلط الفنان يتكلم أصلا غير بحساب".
وتابع: "معلش بنت بلدنا وصوت من الأصوات الحلوة اللى بتملكها مصر وماعندناش كتير بلاش نهدها.. وكلنا لينا ناس قريبين مننا لما بييجوا يتكلموا بيبوظوا الدنيا وإحنا قلوب طيبة وجوانا رحمة".
واختتم كلامه بـ"ملحوظة هامة: كلامى مش دفاع ولكن توضيح وماليش أى مصلحة معاها كمطربة لأنى خدت مصلحتى ونجحت مع الكل الحمدلله ومعروف عنى لا بأتقرب لحد ولا باجامل حد ولكن العكس هو الصحيح".
تابعوا أخبار بلدنا اليوم على Google News
