الرئيس السيسي: تُهدم إنجازات الدولة بدون وعي المصريين

أكد الرئيس عبدالفتاح السيسى، أن الزيادة السكانية تحدٍ كبير أمام الدولة المصرية، وإذا ظللنا على هذا الوضع لن يكون هناك أمل أو تحسن للواقع، متسائلاً: "هل لدولة أن تقوم فى ظل هذا التحدي؟.

وتابع الرئيس السيسي خلال كلمته بالندوة التثقيفية الـ29 للقوات المسلحة: "لما يكون عندك 22 مليون بيتعلموا.. هيتعلموا كويس؟ هيلاقوا شغل وأنت بتضخ فى سوق العمل كل عام مليون؟، إزاى طيب؟".

وأوضح الرئيس السيسى، أنه فى كل حديث له مع الوزراء بالحكومة له مقدمة، مردفًا بالقول: "المقدمة دى الهدف منها إنى أقولهم إنى بشكّل فهم عندى لكم، ومن حق الناس اللى شغالين معاكم فى كل قطاع ووزارة إنهم يسمعوا الأسطوانة دي، علشان نشكّل وعى حقيقى بحجم التحدى اللى بنعيشه".

وأشار السيسى إلى أن كل ما يقام بالدولة المصرية من إنجازات، سيهدر ويختفي بدون فهم ووعي المصريين، متابعًا: "كل اللى بيتعمل وزيادة 100 مرة لو مكنش فى وعي وكتلة تخاف على بلدها فى الجيش والشرطة وأجهزة الدولة والجامعات ولدى الرأى العام فى مصر، أى حاجة تتبنى ممكن تتهد".

موضوعات متعلقة..

الرئيس السيسي يكرّم قادة حرب أكتوبر

السيسي: أحداث 2011 علاج خاطئ لتشخيص خاطئ