"طليق" نوال الزغبي يقصف جبهتها بسبب حوارها الأخير

اشتدت الحرب الكلامية مجددًا بين الفنانة نوال الزغبي، وطليقها إيلي ديب، وذلك بعد حوار الأخيرة مع أحد المجلات، والتي صرحت فيه بأنها تأخرت في قرار انفصالها عنه.

وشارك إيلي، صورة من نص الحوار، وشن هجومًا حادًا على نوال، من خلال منشور له عبر "فيس بوك"، قال فيه: "بشهر مايو الماضي أخدت قرار إنو ما جيب سيرة نوال وإنو صفحتي رح تكون ناصعة البياض، وهيك صار ... علمَا "انو نوال ما بتترك مناسبة إلا وبتجيب سيرتي فيها".

وتابع: "تفاجأت اليوم بها المقابلة يلي أكدتلي أكتر وأكتر إنو نوال ما رح تحل عني !!! وأحلى شي بس يقولولي انو هيي ما عم تجيب سيرتي !!! ليش هيي عندا شي مهم تحكي عنو غيري ؟! عن شو بدا تحكي ؟ عن أغنياتها الناجحة ؟ عن حفلاتها يلي ما بيتجاوزو عدد أصابع اليد الواحدة؟ عن كليباتها يلي عم تطلع فين مثل المراهقات متناسية انو بعد ٤ شهور بيصير عمرها ٤٨ سنة ؟، عن ÷خلاصها لكل يلي كان الن فضل بنجاحاتها السابقة من سيمون اسمر وايلي صعب وطوني مندلق أو ايلي ديب بيي اولادها وصانع نجوميتها يلي كرس كل حياتو بسبيل وصولها للشهرة والتربع على عرش النجومية واحتلالها للمركز الأول بين مغنيات الوطن العربي لسنوات طويلة دون منازع ؟!".

واستكمل إيلي قائلا: "عذروني إذا كسرت قراري ورديت؛ لأنو كل شي إلا كرامة وعزة نفس الإنسان، وبتمنى وللمرة المليون والأخيرة على نوال ما بقى تجيب سيرتي لا بالمباشر ولا بغير المباشر لأني ما عم بجي صوبها لا من قريب ولا من بعيد".

واختتم: "بقدملا نصيحة من شخص عندو خبرة ٣٠ سنة بالفن، إنو طريقتك باستعطاف الناس لتسترجعي نجوميتك من خلال تشويه سمعتي حتى تبيني للناس إنك انتي المظلومة وأنا الظالم؛ ما نجحت بالسابق وما رح تنجح لا اليوم ولا بالمستقبل لأنو الشمس طالعة والناس قاشعة".