«جيم مصر»: 9 أسباب تخليكى تفكرى مليون مرة لو هتتجوزى لاعب كمال أجسام

الجمعة 27 مارس 2015 | 10:10 مساءً
كتب : بلدنا اليوم

ذكرت صفحة "جيم مصر" 9 اسباب كوميدية لاي فتاة تفكر ان تتزوج من لاعب كمال اجسام، وهي صفحة متخصصه فى رياضة كمال الأجسام والفيتنس "اللياقة البدنية"، وتهتم بالتمارين الرياضية والأنظمة الغذائية الصحية، والاسباب هي:- 1- بنات كتير بتتفرج عليه :-لو أنتى متجوزة لاعب كمال أجسام أو ناوية على كده ف لازم تعرفى انكوا و انتوا فى شهر العسل لو هو ظابط الكلام و جسمه حلو أول ما هيقلع التيشيرت البنات على البحر هايتفرجوا عليه بقى و النظرات و الهمسات حاتبتدى فجهزى نفسك للغيرة من دلوقتى لانك مش هتخلصى2- ماعندوش وقت للأسئلة الكتير :-لاعب كمال الأجسام بيبقى مشغول بكذا حاجة غيرك زى التمرين و الأكل و المكملات و لبس الجيم و النوم و هكذا,فمعندوش وقت بقى للأسئلة اللى من نوعية نجيب لماما ايه فى عيد الأم و تحب التفاح أحمر و لا أخضر ف ياريت الأسئلة دى تبطليها3- ماتجيش على معاد الجيم :-ما تعمليش اى مواعيد أو خطط للخروج فى الوقت بتاع الجيم بتاعه لأنه مش هيضحى بيه و هينفضلك ف ما حبكتش خروجه الفلانتين أو السينما فى الساعة بتاعت الجيم عشان ماترجعيش تعيطى و تقولى بينفضلى ليه خليكى أذكى من كده4- لازم تبقى برنسيسة فى نفسك :-لازم تبقى فاهمة ان لاعب كمال الأجسام مش بالسهل يختار واحدة لان الموضوع ده بالذات مش بيبقى أولوية عنده فيوم ما هيختار هتبقى هى دى الواحدة اللى دخلت دماغة فالازم تبقى مهتمة بصحتك و بتحبى الرياضة غير كده الموضوع هيبقى صعب لكن لو بتتمرنى الحياة حتبقى زى الفل5- التلفزيون مالوش اى أهمية بالنسباله :-لو أنتى فاكرة انه مهتم ببرنامج Arab Got Talent أو Arab Idol تبقى غلطانة كل ده مالوش اى 30 لازمة بالنسباله عايزه تشدى اهتمامه هاتيله كيلو موز افيدله 6- اى حاجة الا الأكل :-لو انتى عاملة غدا فرخة كاملة و لا حاجة ف بنسبة 99% مش هتشوفى منها جناح حتى دى من أكبر ضرائب كمال الأجسام7- الخروجات المهمة و كدا :-لو خارجين و قالك اسبقينى و انا هاجيلك ماتستغربيش لو لقتيه داخل عليكى بتيشيرت و بانتلون تمرين ده العادى بتاعه و اللى بيحس فيه بالراحة فممكن يكسفك فى الخروجات الرسمية عادى8- الفلوس و جمال الفلوس :-للأسف ده هيبقى سبب مشاكل كتير بينكوا فى الغالب معظم الفلوس هتلاقيها بتضيع على التمرين و الأكل و المكملات و اللبس الرياضى الله يكون فى عونك هتقنعيه أزاى يحوش9- الحياة الأجتماعية و الخروجات :-هتلاقيه بيخرج أكتر مع الناس اللى بتشيل معاه حديد و حبايبه فى الجيم حاولى تنزلى تتمرنى معاه و هتلاقى الموضوع جميل أوى و فعلا هتستمتعوا مع بعض جدا