وجه النجم محمد إمام الشكر إلى جمهوره الذي تابع مسلسل هوجان خلال شهر رمضان المبارك؛ قائلا: "من أول رمضان وانتوا الحمدلله بتشكروا في هوجان .. دلوقتي أنا اللي عاوز أشكركم .. على كلامكم و حبكم و تفاعلكم بالمسلسل .. بجد حسستوني إن هوجان قريبكم أو واحد من العيلة".
وتابع إمام عبر صفحته الشخصية على موقع التواصل الاجتماعي فيسبوك: " خفتوا عليه لما لعبوا بيه .. صعب عليكم لما أكل من الزبالة .. فرحتوله لما استلم شغل جديد .. احترتوله يحب وردة ولا نور .. قلقتوا عليه لما ضربوه بالنار .. زعلتوا منه أوي لما انحرف .. شجعتوه ينتقم من اللي يتموه .. اطمنتوا لما شال ابنه .. اتبسطوا لما لقى خالته .. عيطوا لما لقى أبوه".
واستطرد إمام: "علشان لما أقولكم انتوا مش معجبين.. انتوا أهلي و إخواتي تبقوا تصدقوني .. ادعولي أقدر أقدم لكم حاجات عظيمة زيكم ".
ووجه إمام الشكر لكافة العاملين بمسلسل هوجان مرددا: "عاوز أشكر كل طاقم فريق العمل اللي شاركني رحلة هوجان .. فنانيين و فنيين و عمال ومساعدين .. مشوار طويل مليان تعب و مجهود و ضحك و قلق و حب .. شكرًا على الأيام الجميلة دي .. النجاح ده بتاعكم انتم .. عمري ماحنساكم".
وواصل إمام: " و باشكر زمايلي الممثلين اللي فِرحولي وكلموني يباركولي .. و اللي اتكلموا عن مسلسلي في مسلسلاتهم .. نجاح اي واحد مننا نجاح للجيل كله .. شوف وشكم على خير .. و عيد سعيد على مصر و كل الوطن_العربي إن شاء الله .. و استنوا اللي جاي .. عشان اللي جاي مجاش زيه".
تابعوا أخبار بلدنا اليوم على Google News
