حارس الجونة عن أزمة لاعبي الزمالك: "قلة أدب وكان ممكن أضربهم"

تحدث محمود الغرباوي حارس مرمى نادي الجونة، عن كواليس ما حدث من لاعبي الزمالك بعد الهدف الثاني في المباراة.

وقال الغرباوي في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد : "الكورة جت جول وانا مش مصدق وماسك الكورة".

وتابع: "فجأة لقيت الضرب كله عليا من لاعبي الزمالك، كان ممكن أضربهم واشتمهم زي ما ضربوني لكن الي حصل منهم ده قلة أدب".

واستكمل الغرباوي: "محمود علاء لقيته بيقولي مبروك الدوري للأهلي يا غرباوي، أنا مالي بالدوري أنا بلعب لفريقي وده إنتمائي الوحيد له".

اختتم :"اللي عاوز يخلص الدوري كان خلصه من بدري، جايين يلاعبونا وعاوزين يخلصوا الدوري على حسابنا احنا، متعملوش رجالة علينا".