"نفسي صوتي يوصل لوزير التعليم.. قلبي هيتقطع على ابني"، بتلك الكلمات والعبارات عبرت أحد الأمهات على صفحات السوشيال ميديا، وتعالت صرخات كلماتها في العديد من صفحات الفيسبوك، ولم لا حيث نشرت الأم صورة تقشعر منها الأبدان.
خلال الـ12 ساعة الماضية، تداول رواد الفيسبوك صورة لطفل لا يتعدى الـ 7سنوات، وبه جروح في جسده من ناحية الجزء الأسفل، وملابسه ملطخة بالدماء.
وقالت والدة الطفل: "أنا والدة الطالب سيف حسن هو في مدرسة بشتيل الجديدة بمجمع لعبة بشتيل عاوزه اعمل استغاثه لوزير التربيه والتعليم".
وتابعت عبر صفحات الفيسبوك التي تجمع عدد كبير من المتابعين: "شخصيًا ابني كان في المدرسه إمبارح واتنين من صحابه ضربوه ووقعوه علي الدكة والدكه كان فيها مسمار والأبلة الحيوانة حسبي الله ونعم الوكيل فيها سابت الواد ينزف لحد ماروحت".
وأكملت،: "خته في المرواح ببص على ابني قلعته البنطلون لقيت الخصيه بتاعته مقطوعة وبتنزف دم جااامد ولا حد سعف ابني ولا أي حاجه خالص وسبوه بينزف ولا حد سأل فيه دلوقتي".
وأضافت:"أنا ابني قلبي بيتقطع عليه نفسي صوتي يوصل لوزير التربية والتعليم ممكن ابعتله تقارير ابني والصور بتاعته، ولازم المدير يتحاسب علشان بيقولي اعملك إيه، والأبلة اللي كانت واقفه عليه في الحصة، ولا كأنه بينزف ولا اتصلوا بيه ولا حاجه واسم المدير محمد أبو الليل والأبله دعاء.. ارفعو البوست".
تابعوا أخبار بلدنا اليوم على Google News
