علق الفنان السيناريست عباس أبو الحسن، على أزمة الفنان محمد رمضان وباسم سمرة، وذلك بعد تداول فيديو يظهر فيه الأخير وهو يدفع الأول من الخلف في أحد حفلات الزفاف، وذلك من خلال صفحته الشخصية بموقع التواصل الإجتماعى "فيس بوك".
وكتب الفنان والسيناريست عباس أبو الحسن :"هو رصله تمام بس باسم نسي يفكره لما المتنمبر ضرب عيل كان عايز يتصور معاه أثناء تصوير مسلسل في نزلة السمان وبوظله وشه من ٥ سنين وطلع ابن عيله كبيرة جدا في النزلة وقاموا مولعين في ٤ عربيات من التصوير وحبسوهم والمتنمبر معاهم جوة الشقة اللي كانوا بيصوروا فيها بالبوديجاردات بالكرو أنه استنجد بباسم سمرة في نص الليل وان اللي خلص القصة دي هو باسم سمرة وهو الوحيد اللي قدر يفك أسرهم بعلاقاته واسمه وإن الشبح على الشاشة حاجة و في الحقيقة حاجة تانية خالص».
وفي هذا السياق رد الفنان باسم سمرة، على تصريحات الفنان محمد رمضان، على الفيديو المتداول بينهما بأحد الأفراح، قائلًا :"مقدرش أرد.. لأنى ابن ناس محترمة، وأدعوا لمناظرة سينمائية وفيلم 10 دقائق روائي قصير نمثل فيها بطولة مشتركة بما يرى أنه موهوب".
وقال "سمرة" خلال مداخلة هاتفية ببرنامج "الحكاية" الذى يقدمه الإعلامى عمرو أديب:"محمد رمضان مثل معايا قبل كدا وكان أخويا الصغير، وأنا بحبه بس معرفش الشيطان سايقة.. كنت محتضنه، بس بيقول كلام أهبل.. ما تصحى لنفسك يابنى.. لو بتقول إنك نبمر1، أنا هوريك، ومحدش يقل منى خصوصا لما يكون عيل صغير".
جدير بالذكر أن محمد رمضان قال: "باسم سمرة مكنش فى وعيه، كان فرح صديق وأخ كبير أنا شوفت الفيديو كان فرح ابن الحاج محمد، وأخدت بالى وباسم أخويا وصاحبى وحبيبى ومكنش فى وعيه لأنه لو كان فى وعيه إيدى الشمال جاهزة"
تابعوا أخبار بلدنا اليوم على Google News
