بالفيديو.. مشادة على الهواء بين كامل الوزير ووائل الإبراشي

الاحد 29 مارس 2020 | 11:19 مساءً
كتب : رحاب الخولى

وزير النقل ينهى مداخلته مع الإبراشى بعد عرض زحام بالمترو: "كان يوم الأربعاء وأشكرك على مجهودك"

نشبت مشادة كلامية بين الإعلامى وائل الإبراشى، والفريق كامل الوزير وزير النقل، بعد عرض الإبراشى، فيديو لزحام داخل مترو الأنفاق.

قال الفريق كامل الوزير، وزير النقل، إن الفيديو الذي عرضه الإعلامى وائل الإبراشى، كان يوم الأربعاء ساعة تطبيق لحظر، معلقاً: " غير مقبول تطلع صور يوم الأربعاء قبل الحظر بدقيقة، والنهاردة مكنش فيه".

وتابع خلال مداخلة هاتفية لبرنامج "التاسعة"، المذاع عبر التليفزيون المصرى، مع الإعلامى وائل الإبراشى، أن السلوك البشري كان يوم الأربعاء، مردفاً:"مكنش فيه زحام وركبت كل القطارات وشوفت كل المترو، بس تقول ايه اللى اتعمل وصور ا لنهاردة ايه، اللى اتعمل قلته فى كل التليفزيونات، يا أستاذ وائل انت اعلامى محترم، لو سمحت هات صور امبارح والنهاردة وأول امبارح، وشوف الحكومة عملت ايه".

وأنهى وزير النقل المداخلة غاضبا قائلاً:"انا بشكرك يا أستاذ وائل على مجهودك واللى انت عملته ومتشكر جدا".

ورد الإعلامى وائل الإبراشى: "كان فيه زحام وجزء منه سلوك بشرى ونشوف نعمل ايه، اذا انت واخد المسألة موجهة لحضرتك لا مش دا الهدف، ولسه فيه زحام".

اقرأ أيضا