أحمد علاء الدين يتهم رامي جمال بالتسويق كذبًا لشخصيته

الخميس 30 ابريل 2020 | 02:18 صباحاً
كتب : بلدنا اليوم

نشر الشاعر أحمد علاء الدين، مقطع فيديو، اتهم فيه الفنان رامي جمال بأنه يحب التسويق لشخصيته على أنه شخص طيب وشهم وهو ‏عكس هذه الشخصية تمامًا.‏رامي جمال

وقال علاء الدين خلال الفيديو: "رامي جمال في نظري هو أوحش مطرب اتعاملت معاه من ناحية التعامل، معرفش إزاي ده ملحن ‏بيغني مفروض يكون فاهم قيمة التعامل، أنا كتبت له أغنية اسمها "وبعدين"، في الألبوم قبل اللي فات، وخدت التنازل وروحت له قالي ‏معلش أنا هدفع مبلغ رمزي".‏

أضاف: "اتفاجنا قبل نزول الألبوم قال مودي سعيد في فرح تامر عاشور قاله وحياة أمي الأغنية معانا وهتنزل، فقولنا للناس إننا ‏نازلين ووقت نزول الألبوم فوجئنا مالقيناش أسامينا، ومودي كلمه قاله رامي أسامينا مش موجودة في الأخبار ليه فمردش، مودي قاله عيب يا رامي بكلمك متردش عليا راح عامله بلوك، نفس نقطة الهروب".‏

تابع أحمد علاء الدين: "عدى سنة سنتين سمعت كلام الناس بتاع هو حر، لحد ما يوم صحيت لقيته حارق كلام الأغنية على النت، ‏لأنه نزل الكلام بطريقة يا ترى دي كلام مين؟ فالناس بقت تتوقع ونسبوها لشعراء تانيين".‏

أكمل علاء الدين: "كلمه صديقي أحمد المالكي ورامي قال له أنا حر دي أغنيتي أنا شاريها بفلوسي اللي هو فلوسه دي قال معييش ‏بدجيت، ونزل الألبوم من غير الأغنية وبقى مصير الأغنية جملتين على النت".‏

استطرد أحمد علاء الدين: "كل واحد بيمثل شخصية غير شخصيته مسيره يتكشف، أنا مش عايز حاجة أنا خلاص برة اللعبة، لما حد ‏تاني يتعامل معاك يارامي متعملش معاه كده الرجولة مش في البلوك، والفويس نوت اللي عندي إنك خدت الأغنية عشان رايحة ‏لحماقي عندي، ومش هنزله غير لو أنت كدبتني، وأنت خدت الأغنية دي يا رامي عشان حماقي ما ياخدهاش ودي لا نجومية ولا ‏شياكة وأنت عندك عقدة محمد حماقي خلينا نتكلم بصراحة".‏

أردف: "إحنا طول ما قاعدين معاك بتقول حماقي وحش حماقي حماقي، دي غلطتي إن معرفناش نوصل لحماقي نسمعه الأغنية ‏وغلطتي إني وثقت فيك وادتهالك".‏

وكشف الشاعر أحمد علاء الدين عن اعتزاله لكتابة الأغاني وذلك عبر صفحته الشخصية بموقع التواصل الاجتماعي "فيس بوك"، بسبب ما واجهه من ضغوطات ‏وصعوبات في التعامل مع بعض رواد المجال الغنائي.‏

أكد علاء الدين أنه قبل 3 سنوات تعرض لحادث بسبب اتصال هاتفي من صديقه الملحن أخبره أن رامي جمال حظره ولم يرد عليه ‏بخصوص الأغنية ففقد أعصابه وتعرض لهذا الحادث. ‏

أحمد علاء الدين هو شاعر غنائي كتب لعديد من المطربين منهم مصطفى قمر، هيفاء وهبي، رامى جمال، فريق واما ، آدم، محمد نور، ‏كما كتب مجموعة من تترات المسلسلات مثل "الميزان"، "بنات سوبر مان"، "أنا شهيرة أنا الخائن".‏

اقــــرأ أيضًا:

شاهد.. ياسمين رئيس تتحدى رامز جلال

مرتضى منصور يعلق على مسلسل "الاختيار" (فيديو)