بمقادير مظبوطة.. طريقة عمل اللانكشير الأبيض والملون

الاحد 02 مايو 2021 | 10:57 صباحاً
كتب : سارة محمود

بسكويت اللانكشير، يعتبر من الأنواع التي تقدم خلال الأعياد والمناسبات، وبالأخص في عيد الفطر المبارك، فهو من حلويات العيد الشهية، ويعد من أشهر الحلويات الشرقية سريعة التحضير، ولذلك تحرص "بلدنا اليوم"، على أستعراض أبرز المقادير وطريقة العمل، خلال السور التالية.

مقادير عمل اللانكشير الأبيض والملون

اتنين كوب دقيق فاخر

كوب سمنة نوع جيد(ساقعة)

نص كوب سكر

نص كوب نشا

اتنين بيضة

نص معلقة صغيرة بيكنج بودر

كيس فانيليا او معلقة صغيرة فانيليا سايلة

رشة ملح

طريقة عمل اللانكشير

نبداء بخفق السمنة مع السكر بالمضرب، لحين تتحول لخليط هش وفاتح اللون

ثم يتم إضافة البيض واحدة واحدة مش مع بعض

ونضيف الفانيليا ونستمر فى الخفق.

فى إناء خارجى نضيف كوبايتين الدقيق ويكونوا منخولين كويس ونضيف عليهم نص كوباية النشا ونص معلقة صغيرة من البيكنج بودر ورشة ملح ونخلطهم كويس جدا

ثم يتم إضافة على الخليط ونضربهم جيدًا ونلمها بإيدينا

وبعدين نريحها ربع ساعة فى التلاجة

نخرجها ونبتدى نشكلها على هيئة كور صغيرة متساوية ونبتدى نرصها فى الصينية او صاج الفرن مش مدهون زيت او ورق زبدة وبينهم مسافات بسيطه عشان مايلزقوش فى بعض.

طريقة تسوية اللانكشير

الفرن يتسخن على درجة حرارة 170 فى الرف الأوسط من تحت

يتم تسويته من 10 ل 15 دقيقة حسب حرارة كل فرن

ثم يتم لزقه فى بعض بمربة او شيكولاته سايله ونغطسها فى جوز هند مبشور او مكسرات مبشورة او شيكولاته فارمسيلا او اى شئ حسب رغبتنا.