"افتحي الكاميرا".. شاهد الفيديو المتسبب في الحكم على حنين حسام

الثلاثاء 22 يونية 2021 | 06:25 مساءً
كتب : آية محمود

ضجت وسائل التواصل الاجتماعي خلال الساعات الماضية بواقعة فتاة "التيك توك" حنين حسام، بعدما ظهرت مساء أمس باكية، عقب صدور حكم من محكمة جنايات القاهرة بالسجن المشدد لمدة 10 سنوات، في قضية الإتجار بالبشر، لإدانتها باستغلال فتيات قُصَّر في العمل كمذيعات في أحد التطبيقات، مستغلة حاجتهن للمال.

A post shared by Offline🖤 (@hanenhossamofficial1___)

الفيديو المتسبب في الحكم على حنين حسام

ويعود الفيديو إلى إبريل 2020، حيث أطلت حنين حسام في مقطع مقتضب مدته 3 دقائق، وهي تطلب من متابعيها وخاصة الفيتات، عمل فيديو "لايف" على تطبيق "لايكي" مقابل أموال كثيرة، وقالت حنين حسام في الفيديو: "أنا عارفة إن عندكوا مشاكل مادية، أنا عملت وكالة على لايكي مسكت ورقها وإدارتها، أنا اللي هكون في الجروب، أنا عايزة الجروب بنات بس، مش عايزة أي ولد عشان ده أكل عيش ناس، ميقلوش عن 18 سنة، المفروض إن حضرتك مذيعة في أبلكيشن، يكون عندك نت وإضاءة كويسة".

وأكملت حنين حسام :"اللايف بيكون فورمال، مينفعش تخرجي بأي لبس خارج، أنا مبحبش الحال المايل، مفيش تجاوزات، ومفيش قلة أدب، أنا مش هكون عايزة 100 بنت قالعين ملط، لا، 20 بنت من غير كده أحسن، التارجت مش كل الناس هتتساوى ببعض، كل حاجة ليها قبضها وحسب المشاهدات، من أول 36 دولارا لحد 2000 و3000 دولار، اللايف بوشكم مش بلاك سكرين، إضاءة كويس ونت كويس، وشكل لائق شوية، الداعمين هيدخلوا، هتتعرفي على الناس وتكوني صداقات بشكل محترم وجميل، وأنا بتجيلي كل حاجة، بعد إذنكم مش عايزة تجاوزات في وكالتي، أهم حاجة عندي السمعة والله، كل البلوجرز والتيكتوكرز، وكل صحابي اللي عايزين يدخلوا يبعتولي، معلش أنا عندي ضغط كبير جدا، مش هجري ورا كل واحد، اللي عايز يشتغل يكلمني على عيني وراسي، الجروبات دي مش للتعارف والهزار، لو سمحتوا ده جروب شغل، زي البراندات الهزار والضحك برا".