أسما شريف منير تهاجم "الشعراوي" وتصفه بالمتطرف والمتابعين: "انتى فاشلة"

الجمعة 01 نوفمبر 2019 | 06:19 مساءً
كتب : بلدنا اليوم

أثارت تصريحات أسما شريف منير، عن الشيخ محمد متولي الشعراوي، التي وصفت كلامه بالتطرف، عندما نشرت منشور تطالب فيه متابعيها بنصيحة لشيخ جيد لسماعه، ورد عليها أحد المتابعين ونصحها بسماع الشيخ الشعراوي.

وردت أسما على المتابع قائله: "طول عمري بسمعه مع جدي الله يرحمه ومكنتش فاهمة حاجة ولما كبرت شوفت كام فيديو مصدقتش نفسي من كتر التطرف".

أسما شريف منير تحذف منشورها الأخير بسبب الشعراوي

وقامت بعدها أسما بحذف المنشور، بعد الهجوم الحاد عليها من قبل رواد مواقع التواصل الأجتماعي، لتتبعه بمنشور أخر عبر حسابها على موقع التواصل الاجتماعي "فيسبوك"، قدمت فيه أعتذار بعد وصفها للشيخ الشعراوي بـ"المتطرف"، مأكدة أنها لم تقصد تقييم الشعراوي، أو الإساءة إليه.

وكتبت أسما شريف منير، في منشورها: "حصل بينى وبين شخص حوار اسأت فيه التعبير عن اللي عايزه أقوله و حساه، اتفهم فهم كلامى علي انى انتقد فضيلة الشيخ متولي الشعراوي انا بتكلم من غير ما بحسب كلامي و انا مقصدش باي حال من الاحوال اني اغلط أو يوصل كلامي بشكل غلط كده ، انا مش بقيم فضيلة الامام ، انا عموما عمري ما احب اغلط في حد".

"أيام السعادة".. شريف منير يستعيد ذكريات شبابه مع هؤلاء الفنانين

وأضافت "انا باعتذر جدا جدا عشان لم استطع ان احسن التعبير واختيار الكلمات الصحيحة وده يمكن عشان لسه بتعلم و ده عن عدم ادراك انا لسه بتكلم علي طبيعتي زي اول يوم قررت اني اظهر علي السوشيل ميديا، بس دلوقتي لازم اخد بالي من كل كلمه بقولها عشان كل حاجه بتتحسب عاليا و ده جديد عليا".

وتابعت أسما: "كل مافي الموضوع اني كنت بدور عن مرجع دينى و دروس دينية عشان افهم بشكل مبسط و عشان افهمه كنت محتاجه حاجه تناسب استيعابي، والشيخ الشعراوي أعمق من قدراتى لأني في حاجات فعلًا مفهمتهاش".

وانهت: "انا مبتدئة بحاول اتعلم و اقرب اكتر من ربنا، و عموما انا بعتذر فعلا عن ذلت لساني وكلمتى .. حقيقي انى اكن للشيخ الشعراوى كل احترام وتقدير رحمه الله وجزاه كل خير .. وربنا عالم نيتي ايه".

فيما نشرت أسما شريف منير، منشورا آخر قالت من خلاله: "مش ممكن محدش ينفع يقول كلمة من غير هجوم هو في ايه؟ .. ايه التنمر والتعصب والبشاعة دي".

وانهالت عليها التعليقات من المتابعين: "والله شيخنا مش متطرف يا بتاعة أنتي خليكي في الغنا والهلس بتاعك، عمتا اللي بتفرج ع مساحته وانتي اصلا فاشله، لولا والدك روحي ربي عيالك، ثالثا الشعراوي مش متطرف لو هو كدا على كده الناس الغلابة والأمين، وعامة الشعب اللي انتي كل لبسك ودهبك من فرجتهم عليكي متطرف، ويبقا انتي المتنمرة الكبيرة زعيمة التطرف، رابعا ربنا عرفناه بالعقل والقلب متجيش تتكلمي انتي على أي شيخ، أيا كان أبوكي معرفكيش ازاي تحترمي الشيوخ وأهل الدين والعلم".

اسما شريف منير

اسما شريف منير