عصام كاريكا يؤيد نقابة المهن الموسيقية في وقف حمو بيكا.. شاهد

السبت 15 يناير 2022 | 12:47 مساءً
كتب : إيمان العيسوي

كشف الفنان عصام كاريكا عبر لقائه الخاص في برنامج "مع الفارس" عن سب اختفائه، موضحا أنه مثله مثل الكثير من الناس اختفى خلال فترة كورونا.

وقال إن كورونا تسببت في جلوس عدد كبير من المطربين والفنانين في المنزل عدا مطربي المهرجانات، قائلًا: "أنا لو عايز أشتغل كنت عملت لي أغنتين مهرجانات. بس أنا مش عايز وأنا والمهرجانات مش أصحاب. واللي بيغنوا مهرجانات ناس جميلة وأصحابنا بس يمكن أنا معجبنيش الشكل ده. وفيه حاجات كتير مبحبهاش في المهرجانات".

وأكد "كاريكا" أنه يؤيد قرار الفنان هاني شاكر ومجلس نقابة المهن الموسيقية في وقف مطربي المهرجانات وقال: "حمو بيكا بيعترف إنه مش مغني فأنا أعمل له لجنة. وفيها أساتذة كبار ويمتحنوه وهو دخل مرتين وسقط. ولو القرار في إيدي هوقف حمو بيكا عن الغناء. وهوقف أي حد مبيعرفش يغني، وأي حد مبيعرفش يغني ميغنيش".

كما علق "كاريكا" على حجة قطع رزق حمو بيكا عند منعه من المهرجانات قائلة: "وهو رزقه مش مقطوع وهو من يوتيوب بينزل حاجات دمها خفيف ولما بيغني وبيغلط في الكلام وبتحقق له ربح جميل يعني".