رئيس مجلس الإدارة
د/ إلهام صلاح
رئيس التحرير
وليد الغمري

الهاني سليمان عن مشادته مع محمد هاني: لسة عيل صغير

الهاني سليمان

علق الهاني سليمان، حارس مرمى نادي سموحة، على المشادة التي نشبت بينه وبين محمد هاني لاعب النادي الأهلي عقب هدف حسام حسن الثاني في مباراة أمس الأول.

وقال الهاني سليمان خلال مداخلة هاتفية ببرنامج "اللعيب" الذي يقدمه الإعلامي مهيب عبد الهادي بقناة "mbc مصر": "محمد هاني لسه عيل صغير، ولازم يبقى متضايق ومشدود ويكون غيران على فرقته".

وتابع: "حسام حسن في الهدف التاني فعلًا خبطني في كتفي ومكنتش بضيع وقت ومحمد هاني وقتها فكر إني بضيع وقت ومكنش ينفع يقومني بالطريقة اللى قومني بيها، وفضل يقول يلا قوم ألعب قوم ألعب، وأصلًا الحكم كان موقَّف اللعب علشان يرجع للفار".

وأضاف: "أنا مش زعلان من محمد هاني خالص، وهو زي أخويا الصغير ومفيش مشاكل بيني وبينه، وإحنا كنا بنلاعب النادي الأهلي وأحسن لاعيبة في مصر، ووضع طبيعي مينفعش الريتم يبقى سريع ولا نلعب مفتوح لأن الأهلي فرقة تقيلة ممكن ترجع في الماتش في أي وقت، وأنا كنت بلعب بشكل طبيعي".

وأكمل: "في الشوط الأول كان فيه التحامين ومفيش دكتور نزلي مرة واحدة ومضيعتش وقت خالص، وهدف الأهلي الثاني من خطأ واضح على حسام حسن، ومش فارق معايا هدفي الأهلي المهم خدنا الـ3 نقاط".

واختتم: "وقعت للنادي الأهلي مرتين قبل كده لكن الأمر لم ينتهِ بانتقالي للأهلي،  والاتحاد السكندري بيتي لكن عقدي مع سموحة مستمر للموسم المقبل".

إقرأ أيضاً
× الرئيسية آخر الأخبار تغطيات ومتابعات الرياضة المقالات الفن الحوادث خدمات خارجي الاقتصاد المحافظات لايف استايل منوعات