دعاء فاروق تكشف حقيقة تنمر مفيدة شيحة على مهندس الصوت

تعرضت الإعلامية مفيدة شيحة لانتقادات عبر مواقع التواصل الاجتماعي المختلفة بسبب طريقة وصفها لمهندس الصوت طارق عبادة، زميلها ‏في برنامج "الستات ما يعرفوش يكدبوا" خلال حلقة الأربعاء الماضي.‏

وعلقت دعاء فاروق على واقعة الهجوم على الإعلامية مفيدة شيحة من خلال حسابها الخاص بموقع تبادل الصور والفيديوهات الشهير "فيسبوك" قائلة: "مفيدة يا عيني بتهزر مع الراجل اللطيف ده مهندس الصوت معاها في برنامجها بطريقتها اللي زى القطر وبعشم بسبب عشرة السنين اللي بينهم".

وتابعت دعاء: "الناس بهدلوها وقالوا إنها متنمرة وعنصرية وهي الحقيقة في هزارها قطر وكلنا عارفين هذه المعلومة ومبنزعلش منها ولا حد من حبايبها بيزعل منها لأننا عارفين إن مفيش عندها فرامل وده الاوبشن اللي منجحها بصراحة كلنا بنفرمل إلا هي قطر ماشي في الإعلام وهي طبيعتها كده وده سبب نجاحها وتألقها".

وأضافت دعاء: "هي تمثل الست القوية وستات كتير تحب نموذج الست القوية وعشان كده هي نموذج متفرد مفيش حد شبهها ولا زيها قوم ايه أنا منزلة بوست عن شطارتي في الإعلام وإعداد البرامج وبتباهي بحلقة من برنامج ( حياتنا ) اللي كنت بتكلم فيها عن العنصرية وقلت بالحرف إني قدمت رسالة عن العنصرية قبل الناس ما تمشي مع الرايجة وتتكلم عن العنصرية في برامجهم فالناس اللطيفة الظريفة قالوا لمفيدة إني بلقح عليها بالكلام".

وأختتمت دعاء: "فالقطر صاحبتي اتصلت بيا دودو انتي اتكلمتي عليا؟ وطبعا أنا مكنتش اعرف هي عملت إيه أصلا فقالت لي ولا حاجة كنت بهزر مع زميلي المهم ان مفيدة خرجتني من موود الزعل واللخبطة اللي انا عايشاها بقالي اسبوع وضحكتني بصراحة وانا قلت لها انتي قطر يا مفيدة وهي قالت لي دى حقيقة وربنا يسعد سعيد بسعيدة واللي عاوزين يوقعوا الناس في بعضهم يمتنعونمش هيعرفوا بحبك يا قطر من غير فرامل".

كانت مفيدة شيحة قد أكدت في مقطع فيديو نشرته عبر حسابها على موقع تبادل الصور والفيديوهات "إنستجرام" أن طارق عبادة مهندس الصوت زميلها منذ أكثر من 20 سنة، وأن الفيديو الذي انتشر لها وهي تتحدث عن أوصافه مقتطع من سياقه، ومن غير الممكن ان تتنمر على أي شخص ولكنها كانت تمازح مهندس الصوت بهذه الكلمات التي تناقلها البعض بطريقة خاطئة، لافتة أن التعبير خانها حين استخدمت كلمة "بس".

اقرأ ايضًا| بعد خروجه من السجن.. القصة الكاملة لقضية المخرج خالد مرعي

اقرأ ايضًا| أصالة تحتفل بخطوبة ابنتها "شام" (تفاصيل)