أحمد فهمي يهنئ زوجته هنا الزاهد

حرص الفنان أحمد فهمي على تهنئة زوجته الممثلة هنا الزاهد، بمناسبة ​بدء تصويرها أول بطولة مطلقة لها في مسلسل "حلوة الدنيا سكر" .

ونشر أحمد فهمي على حسابه الشخصي على موقع الصور والفيديوهات الشهير "انستجرام" صورة لهما، وعلّق عليها كاتبًا: "الف مبروك يا حبيبتي، اول بطولة مطلقة، واثق انك هتكسري الدنيا كالعادة ان شاء الله".

وكان كشف أحمد فهمي مؤخرا أنه منزعج من الضجة التي حدثت بسبب خلافه مع لاعب الزمالك محمود عبد الرازق شيكابالا في حفل زفاف شريف منير حسن عضو مجلس إدارة نادي الزمالك السابق.

ألف مبروك يا حبيبتي أول بطولة مطلقة.. واثق إنك هتكسري الدنيا كالعادة إن شاء الله ❤️❤️ @hannahelzahed A post shared by Ahmad Fahmy (@ahmadfahmy_official) on Oct 12, 2020 at 7:52am PDT

في سياق سابق، كشف الفنان أحمد فهمي، أن محمود عبد الرازق شيكابالا لاعب نادي الزمالك طلب منه التوسط للعودة من البرتغال على النادي الأهلي.

وقال فهمي ،خلال مداخلة هاتفية لبرنامج الحكاية، تقديم الإعلامي عمرو أديب: "الموضوع له رواسب من سنين، وبدأ لما كان شيكابالا في البرتغال وكنا أصحاب وقتها جداً، وكل قصة وليه شهود والشهود ناس محترمين وكبار في البلد وممكن تسألهم".

وتابع "شيكابالا طلب مني اتوسطله لأنه كان عايز يرجع من البرتغال على النادي الأهلي وأنا مش عايز احلف أن ده حصل، وممكن أقول أسماء ووقتها كلمت هشام العامرى أخو الوزير العامري فاروق وقولتله أحنا عايزين نجيب شيكابالا للأهلي".

وأوضح "هشام قالي يا فهمي إحنا النادي الأهلي وشيكابالا مش لايق على الأهلي والطلب قوبل بالرفض والموضوع مات، ولم أستغل ذلك لحد ما جاءت مباراة السوبر وشيكابالا غلط في جمهور الأهلي وكنت ضد ما حدث وأنا راجل أهلاوي وبقيت ممثل".

وأتم "وقتها كتبت منشور وقولت أن الزمالك نادي محترم وبه رموز وقولت بلاش تضحك عليهم وأنت طلبت مني ووقتها المنشور زعل شيكابالا وأنا اتعصبت وقتها وكان ممكن أكمله في التليفون أفضل من المنشور لحد ما حصل اللى حصل ولكن النادي الأهلي خط أحمر".

إقرأ أيضًا..

بعد 4 أسابيع بدور العرض.. زنزانة 7 يحافظ على المركز الثانى

شاهد بالصور.. خطوبة رنا سماحة على سامر أبو طالب