طبيب يحذر من عدم الالتزام بإجراءات "كورونا" ليلة رأس السنة

اهاب الدكتور محمد علام، نائب مدير مستشفى النجيلة للعزل سابقًا، بالمواطنين بإتخاذ جميع الاجراءات الإحترازية خلال الأيام القادمة، وتحديدًا في يوم رأس السنة الميلادية الجديدة، حتى لا يزداد الوضع سوءًا، مشيرًا إلى أن عدم الإلتزام بإجراءات الوقائية لـ"كورونا" ينتج عنها زيادة أعداد الإصابة بـ"كورونا"، مستشهدًا بما حدث في أواخر شهر رمضان الكريم.

وكتب "علام" عبر صفحته الشخصية على "فيس بوك"، "باقى يوم على رأس السنة، بحذر بقالى من شهر إن اليوم ده ممكن يحول الوضع لكارثة، واتمنى كلنا ناخد قرار جماعى بالإلتزام الفترة القادمة، وصدقونى هيفرق كتير فى الوضع".

وأضاف نائب مدير مستشفى النجيلة للعزل سابقًا، أن "منع التجمعات لوحده مش كفاية، لازم كمان حظر تجول وبردوا لوحده مش كفاية، لازم الشباب متخرجش وتلغى التجمع والسهر مع اصحابها فى البيوت لأن ده أخطر مكان لنقل العدوى واتكلمنا كتير عن النقطه دى".

"ليه يوم رأس السنه ممكن يبقى كارثه ؟"، قال الدكتور محمد علام، "نرجع لورا شوية، الخروج فى أخر رمضان اللى فات لشراء لبس العيد كان ليه دور هام، لكن سهر الشباب ليلة الوقفة كان السبب الأهم من وجهة نظرى للموجة الأولى وساعتها عدد الحالات كان قليل ودوائر العدوى كانت قليله والنتيجه أن الموجة الأولى كانت ضعيفة".

وأضاف، "دلوقت احنا عندنا انتشار قوى ودوائر العدوى كتيرة، فالأكيد تجمع شباب 5 أو 10 شباب لساعات داخل بيت صاحبهم هيكون موجود شخص مصاب ميعرفش وهيعدى على الأقل نص الموجودين".

وتابع: "مش الخوف إن يتصاب فى التجمع ده شاب أو اتنين غالبا مش هيحصله حاجة واحتمال كبير ميعرفش إنه مصاب، لكن كل شاب هيتصاب هينقل العدوى لاسرته كلها وساعتها الواحد هيكون أصاب 5 و 10 وممكن اكتر بطريقة مباشرة وسريعًا هغير مباشرة، واكيد هيكون منهم كبار السن واصحاب الأمراض المزمنة وساعتها الموضوع هيكون صعب عليهم وممكن حد يتوفى".

و تمنى الدكتور محمد علام، نائب مدير مستشفى النجيلة للعزل سابقًا، بتطبيق حظر تجول يومي الخميس والجمعة.

ووجه "علام" رسالة للشباب قائلًا: "والشباب قضوا الاحتفال بالسنة الجديدة مع أهلكم ووسط اللى بتحبوهم بدل متأذوهم بدون متحسوا ومتقولش يوم وهيعدى لأنى طوال الشهور اللى فاتت خصوصا أخر شهرين بتعامل مع عائلات كاملة اتصابت بسبب واحد من الأسرة مش ملتزم أو قال يوم أو خروجه وهتعدى وللأسف مبتعديش، التزموا وحافظوا على نفسكم واهلكم ومجتمعكم وإن شاء الله هتعدى على خير بالتزامكم".

إقرأ أيضًا..

مفاجأة.. آباء يزوجون بناتهن القاصرات مقايضة بالأبقار

قرية "تل حماد" بالصف تشتعل بعد النصب على السكان بحيلة "الأعمال".. والمساعد "جندي مجهول"