أول تعليق من باتشيكو بعد فوز الزمالك على الجونة

علق المدير الفنى للفريق الأول لكرة القدم بنادي الزمالك البرتغالى جايمى باتشيكو، علي فوز الفريق أمام الجونة بهدف نظيف أحرزه يوسف أوباما ضمن منافسات الدوري العام.

حيث قال البرتغالي باتشيكو في المؤتمر الصحفي عقب اللقاء: نود أن نقول في بداية الأمر أن نشكر المسؤولين في ملعب بتروسبورت على اهتمامهم بأرضية الملعب.

وأضاف، أهنئ اللاعبين مباراة صعبة فريق منظم ولم يخسر قبل مواجهتنا، واللاعيبة أدت مهامها الدفاعية، والهجومية بالشكل المطلوب، ورضا شحاتة عمل كل حاجة عشان يعدل اللاعيبة لكننا قدرنا نحافظ على التقدم، وخلقنا فرص كتير للتهديف وغير الوقت اللي احتاجنا فيه الشغل الدفاعي كله كان بيقوم بدوره ورغم ان الجونة كانت مستحوذة الشوط التاني بس مقدرتش تخلق فرص خطر ، كان فوز صعب ولكنه مستحق.

واستطرد، بنفكر المباراة بمباراة محدش يحدد شكل الجدول دلوقتي بس هنسعى دائما الحفاظ على الصدارة وكل مباراة هتبقى صعبة وكل الفرق عايزة تعمل نتايج ايجابية مبسوطين بس لازم نفكر بتواضع عشان نحقق نتايج جيدة وفتح باب الانتقالات ممكن تأثر لكن بتعمل على الحفاظ على ذلك

واستكمل : بشتغل على التسديد من خارج منظقة الجزاء في التدريبات ودائما بدي تعليمات بكدة واضاعة فرص تهديفية اخرى مش مقلقة ليا لاني بوصل للهدف بتاعي كنت هقلق لو سجلت هدف من فرصة واحدة فقط او فرصتين.

وواصل: بشكر كل اللاعيبة وبشكر بن شرقي انه تجاوب على اللعب كمهاجم صريح هو يجيد اكثر كطرف ولكني لما احتاجته مهاجم لبى الطلب ولعب مهاجم.

واتم : عندي لاعيبة عندها حلول كتير وخلال الفترة القادمة واستعادة المهاجمين بن شرقي هيرجع تاني للعب على الطرف، عندنا سكواد كبير من اللاعبين ودائما بختار اللي يفيدني في الماتشات ومصطفى فتحي طلب المشاركة وعشان كدة تمت إعارته.