كريم عبد العزيز لبيتر ميمي: فخور إني اشتغلت معاك

رد الفنان كريم عبد العزيز على منشور للمخرج بيتر ميمي يشيد بأدائه في مسلسل "الاختيار 2" وذلك علي حسابه الرسمي علي مواقع التواصل الإجتماعي " Instagram"

كتب كريم: "يا حبيبى يا بيتو .. مش عارف أقول ايه على كلامك الكبير اللى ما يطلعش غير من مخرج كبير و إنسان أكبر .. فخور انى عرفتك و فخور انى اشتغلت معاك و بجد مش لاقى كلام أقوله غير .. متشكر على كل حاجة يا بيتو🙏🏼🙏🏼🙏🏼❤️❤️❤️❤️".

وكان بيتر ميمي كتب: "الاستاذ كريم عبدالعزيز او العقيد زكريا...

شكرا على الدقة فى التفاصيل و مذاكرة كل لحظة و كل فعل و رد فعل و تأدية اكتر من انفعال فى لقطات مدتها ثوانى".

وتابع: و شكرا على التزامك بالرغم من صعوبة التصوير و الاماكن و اعداد المجموعات ..

شكرا و اتعلمت منك كتير جدا... و طبيعى ان ممثل زيك يكون نجم الوطن العربى.. اصله مش من فراغ.

مسلسل "الاختيار 2" تأليف هانى سرحان، وإخراج بيتر ميمى، وإنتاج شركة سينرجى وبطولة كريم عبد العزيز، أحمد مكى، إياد نصار، بشرى، إنجى المقدم، أسماء أبو اليزيد، هادى الجيار، احمد حلاوة، احمد شاكر عبد اللطيف، محمد علاء، اسلام جمال، احمد سعيد عبد الغنى، سلوى عثمان، على الطيب طارق صبرى، عمر الشناوى، وعدد من الفنانين الشباب.