أزمة جديدة وخلاف حاد بين المطرب محمد شاهين وحمو بيكا

رد المطرب محمد شاهين على مؤدي المهرجانات حمو بيكا، بعد غضبه من غدر بيكا بعد طرح الأغنية الجديدة اليوم عبر قناته على يوتيوب دون علمه.

وكتب محمد شاهين عبر صفحته الشخصية على موقع التواصل الاجتماعي بـ"فيسبوك": "امبارح المحترم بيقول عليا اللي اسمه محمد شاهين انا هقولك حاجة واحدة يابني حسبي الله ونعم الوكيل في اللي فرضك علينا وعملك قيمة، والله العظيم انا روحت اغنى الاغنية دي بس قلة حيلة وفقدان امل بس لكن من جوايا".

وتابع:" وانتم عارفين لا شكلى و لا فني اللى بحبه عشان اروح اعمل كدة.. دى كانت غلطة وذلة منى فقط لا غير وانا مايشرفنيش اغنى مع حد مش مقدرنى ومش على دراية بأى شئ ولا يفقه فى المزيكا أى حاجة كمان غلطة وانا هجيب حقى كدة كدة واستنوا منى اللى دايماً متعودين منى عليه".

كما علقت الفنانة رنا سماحة على البوست كاتبة:"ارجوووووك انت نجم كبير ومن اهم اصوات الجيل ده.. اعرف قيمتك لو سمحت.. دول مهما اتعرفوا في الاخر فقاعه هيجي يوم ومتبقاش موجوده.. لكن انت فنان بجد وهيجي يوم وتاخد حقك بس متيأسش ومتبطلش سعي".