محمد هنيدي: "أوعى تحصر فكرة النجاح والسعادة في الفلوس"

وجه الفنان محمد هنيدي رسالة و نصائح لجمهوره،عبر حسابه الرسمي بموقع التواصل الاجتماعي فيسبوك

كتب "هنيدي":نتكلم جد .. ماتخليش حد يحطلك مقياس للنجاح في حياتك .. النجاح ممكن يكون بمجموع كبير في كلية وممكن تعمله من غير المجموع ده برده ،النجاح مش بالفلوس .. ولا بصور انستجرام اللي ظاهر فيها انك سعيد وبتصيف كل اسبوع في مكان شكل .. ولا انك عندك فولورز او قناة يوتيوب كبيرة .

وأضاف:النجاح ملهوش مقياس لكل الناس .. انت ممكن تكون شغال شغلة بسيطة بس سعيد وراضي وناجح فيها .. فكرة ان ناس حصرت النجاح في اشكال معينة وانك تقتنع بإن ده هو النجاح .. ده اللي هيخيلك عمرك ما هتبقى سعيد

وتابع:النجاح هو انك تحقق اللي انت عايزه حسب قدراتك وعقلك ودماغك .. مش انك تحقق اللي الناس عايزاه وشايفاه نجاح

النجاح انك توصل لسعادة ورضا سواء انت بقى ملياردير او اللي جاي على قد اللي رايح

اوعى تحصر فكرة النجاح والسعادة في الفلوس أو في الشهرة ولايكات فيسبوك وانستجرام ومشاهدات يوتيوب

لإنك كدة عمرك ما هتبقى سعيد.

يذكر أن، فيلم "الإنس و النمس" آخر أعمال الفنان محمد هنيدي، الفيلم قصة وإخراج شريف عرفة، سيناريو وحوار كريم حسن بشير، بطولة محمد هنيدي، منة شلبي، صابرين، عمرو عبدالجليل، بيومي فؤاد، شريف دسوقي، عارفة عبدالرسول، دنيا ماهر ومحمود حافظ.