نشرت الفنان هيدي كرم عبر حسابها الخاص على موقع التواصل الاجتماعي للصور والفيديوهات "إنستجرام"، فيديو مدته ربع ساعة مستنجدة بجمهورها بسبب إحدى الصفحات المفبركة لها.
حيث ظهرت هيدي بالفيديو تروي قصة تعرضها للنصب من أحد الأشخاص وقيامه بالتحدث باسمها، بالإضافة لكتابتة تعليقات مسيئة وتدوين منشورات على لسانها، لتطلب المساعدة من متابعيها للتبليغ عن هذه الصفحة.
حيث ظهرت هيدي قائلة: "الحقيقة في موضوع مضايقني بقالي فترة وعايزة أتكلم واقولكوا عليه، علشان تساعدوني وكنت مستنية فترة الأعياد تخلص ورمضان، عشان نتصرف كلنا مع بعض في المشكلة اللي عندي دي، هي مشكلة أنا السبب فيها وغلطتي من الأول، بس دلوقتي الموضوع خرج عن أيدي وعن حده، سببلي مشاكل كتيرة أوي، الموضوع أن أنا وثقت في شخص مكنش المفروض أثق فيه، وخليته أدمن لصفحة كان عملهالي على (فيسبوك)، الصفحة كبرت جدا وهو بشكل ما قدر يتواصل معايا، واقنعني أننا نوثقها وتبقى صفحتي الرسمية"، مما أدى إلى موافقتها.
وأضافت: "معجبنيش طريقته ولا الكومنتات ولا أسلوبه ولا إدارته ولا تعليقاته، أختلفنا أكتر من مرة وقولتله مش عايزة الصفحة دي، وعايزة أقفلها".
وأستكملت عن عرضة لبيع الصفحة قائلة: "قالي هبيع الصفحة خسارة عليها عدد كبير، وهغير اسمها، اتشغلت في شغلي واتفاجأت انه عملي بلوك وخرجني من الصفحة انا وكل الناس اللي يعرفوني من بينهم أختي، وبدأت الناس تبعتلي تعليقات غريبة، ويقولولي إزاي كاتبة كده إزاي بتعلقي عند الشخص ده كده، إزاي حاطة البوست ده، الناس قالت هيدي اتجننت وحصل حاجة في دماغها، حاولت أتصرف معرفتش".
وأنهت هيدي حديثها بدعوه الجمهور لمساعدتها وقيامهم بإغلاق تلك الصفحة من خلال الإبلاغ عنها.
View this post on InstagramA post shared by Heidy Karam (@heidykaram)
تابعوا أخبار بلدنا اليوم على Google News
