شن الفنان عمرو عبد العزيز، هجوما على منتقدي حفل زفاف الفنان محمد فراج والفنانة بسنت شوقى، عبر منشورا له على صفحته الرسمية بموقع التواصل الاجتماعى "فيسبوك".
وكتب عمرو عبد العزيز، معلقا :" على الناس المريضة اللي بتكتب كلام وحش شبه وشهم كده على فرح فراج و بسنت، ليه يا جماعة الناس بتكتب كلام وحش، لتقل خيرا او لتصمت بدل ماتقولوا ربنا يسعدهم او تتمنولهم الخير ".
وأفاد:"ليه بتقولوا كلام زى ده على 2 في يوم فرحهم وتقولوا كلام يجرحهم ، تخيلوا كده لو يوم فرح ابنك او اخوك او بنتك وحد كتب كومنت زى اللى انتوا كاتبينوا ده وانتوا جيتوا بعد كده شوفتوه هيبقى احساسكم ايه وقتها
مانجرحش الناس وندايق الناس لو سمحتوا اتمنوا الخير و الفرحه للناس ".
وأضاف :" واحد و واحده فرحانين ان ربنا كرمهم واتجوزوا بعد تعب و مجهود سنين بجد الناس بقت وحشه قوى والخوف منهم بيزيد يوم بعد يوم".
احتفل أمس الفنان محمد فراج والفنانة بسنت شوقي بحفل زفافهما وذلك بمنطقة سهل حشيش بحضور الأصدقاء والعائلة.
ووجه محمد فراج رسالة لبسنت شوقى عبر et بالعربى :"أنا ممكن أتكلّم عليكي وقت طويل أوي، بس طبعاً مش هينفع أقول كل اللى جوايا دلوقتي، أهم حاجة قبل إني بحبك، إني بشكرك على صبرك وعلى قلبك اللي طاوع مشاعرك وإنه اتغلب على عقلك عشان نكمل مع بعض".
تابعوا أخبار بلدنا اليوم على Google News
