خالد عليش يكشف آخر تطورات قضية رؤية ابنته مع طليقته

كشف الفنان خالد عليش، عن منشورا له بشأن آخر الأحداث في قضيته مع طليقته، من خلال صفحته الرسمية على موقع التواصل الاجتماعي "فيسبوك".

وعلق خالد عليش قائلا: "الحقيقة أنا مبلم بقالي شوية من ساعة ما قريت ده ومش مصدق، ده محضر معمول فيا من 12/2/2021 انا لسه مكتشفه بعيدا ان هو بيأكد صدق روايتي إني مش عارف أشوف بنتي بشكل سليم في الوقت ده وده اللي خلاني الجأ للعقد اللي بينا وعمل الزام بما فرضته نفسها علي نفسها والمحكمة حولته لرؤية في مركز شباب وبعدها روحت وما كملتش والقصة الطويلة العريضة في البوست اللي فات، بس مش قادر أصدق إن ده محضر اتعمل فيا، مش قادر أفهم يعني إيه خدتها ومأكلتهاش، يعني إيه ما اديتهاش الأدوية، يعني إيه ببعت أشخاص غريبة تجيبها، يعني إيه بتاجر بصورها، طب ليه عايز أشوفها ؟ طب ليه بعمل كل ده، ده أنا قلبت في الموبايل عشان أشوف في التاريخ ده يمكن فعلا عملت حاجة تضايق لقيت إني ماشفتهاش يوم 12 أصلا وبعدها بيومين جبتلها هدية عشان الڤلانتين، في الآخر يتعمل فيا محضر ويتقال عليا الكلام ده من ورايا، ليه كل ده ؟؟؟ !!! ؟؟؟ هل يريح الأم وأصحابها إني اطنش وأكبر دماغي واسيب البنت وما أشوفهاش خالص، بالمناسبة المحضر ده تم نشره عن طريق الأم مش أنا اللي عرفته لوحدي، أنا بجد مش مصدق وكإن في إصرار اني أنا أطلع وحش وخلاص، ربنا يهدي".

حيث أصدرت محكمة الأسرة بمدينة 6 أكتوبر حكما لصالح الإعلامي خالد عليش بإلزام مطلقته بتمكينه من رؤية صغيرته منها لمدة 11 ساعة أسبوعيًا يوم الجمعة، بحسب شعبان سعيد محامي خالد عليش.

وشهدت وقائع الدعوى إلى أنه بعد انفصال خالد عليش عن طليقته، أراد حل الأمور بطريقة ودية فحرر عقد اتفاق مع طليقته وأسرتها، قرر فيه التزامه بكافة نفقات ومصاريف الطفلة الصغيرة، مقابل السماح له برؤية ابنته بطريقة أدمية، وبعيدًا عن مراكز الرؤية.

وتابعت الدعوى أنه رغم التزام خالد عليش، بتنفيذ ما تم الاتفاق عليه خلال العقد، إلا أنه فوجئ بمطلقته ترفض تنفيذ بنود العقد و تتحايل علي الية تنفيذه فاضطر الي اللجوء للمحكمة و التي بدورها أصدرت حكم رؤية في مركز شباب، وهو ما يضر به وبطفلته الصغيرة وحاول عليش جاهدا بعدم تنفيذه و الوصول لحل ودي مع الام بدون جدوى مما جعله يلجأ لمحكمة الأسرة مرة اخري و توضيح الامر لهيئة المحكمة.

تم تداول الدعوى أمام محكمة الأسرة بمدينة 6 أكتوبر، حيث حضر الإعلامي خالد عليش في جلسة الحكم، وتحدث عن معاناته وحرمانه من رؤية نجلته الصغيرة.

وقدم شعبان سعيد المحامى بالنقض ودفاع "عليش" خلال الجلسة ما يفيد بتسديد موكله لكافة النفقات والمصروفات الخاصة بالطفلة وبمدرستها الدولية حتى تاريخه، وفى نهاية الجلسة أصدرت المحكمة حكمها بما فرضته مطلقته بنفسها على نفسها، والزامها بتمكينه من رؤية صغيرته أسبوعيًا لمدة 11 ساعة يوم الجمعة.