نجلاء بدر.. فستان جريء يثير ضجة رواد مواقع التواصل الاجتماعي

أثارت الفنانة نجلاء بدر، الضجة بين رواد مواقع التواصل الاجتماعي، بعد ظهورها بفستان أحمر جريء، خلال مشاركتها بالدورة الخامسة لمهرجان الجونة السنيمائي.

وقالت «نجلاء» خلال فيديو عبر «إنستجرام»: «أي ست تلبس الفستان يعملها shape للجسم، وبيداري أي عيوب في الجسم، أنا مش محتاجة جسمي يبقى حلو لأن الفستان هيخلي جسمي حلو، هو لوحدة عامل الجسم، فأي واحد عندها ديفوهات في جسمها لو تلبس الفستان هيعملها شيب، هي دي النقطة أنا مش محاجة يكون جسمي حلو الفستان هيخليني حلوة».

وكانت الفنانة نجلاء بدر أبدت حزنها لتصدرها تريند مواقع التواصل الاجتماعي بعد ظهورها بفستان جريء خلال حفل افتتاح مهرجان الجونة السينمائي الدولي، وقالت خلال مداخلة مع الإعلامي عمرو أديب في برنامجه «الحكاية» على قناة «mbc مصر»: «أول مرة يحصلي حاجة زي كده في حياتي، أنا فعلا مخضوضة وبدأت أقلق هو أنا كان شكلي للدرجة دي مش حلو؟».

وتابعت: «مصممة الفستان عالمية ومعروفة وبتطلع فساتين كتير، ولما جينا نختار فستان الافتتاح، مفكرناش بمنطق إنه الأعرى، أو الأكثر عريا، اخترت الأحلى، والحقيقة الفستان في الكاميرات مختلف تماما، وتصميم العين بفكرة تطور لعين حورس، هي قالت كده، وحضرت كل زملائي قالولي انتي لابسة «قطعة فنية»، وقالولي الصور باين كأنك مش لابسة، الناس فاكرة إني لازقة المثلث، القماشة سينيه مبانتش في الصور«.

وتساءلت: «هل أنا واحدة بتعمل تريند، أنا بعيدة عن ده، هل مواصفات، منطقة البطن نصها باينة، والصدر مش باين، والبطن ده موجود في أغلب الفساتين في الجونة، هو موقف أكبر مني، وكنت متوترة، أنا أبسط من كده وأبعد من كده، أنا مش واحدة بتاعة استعراض، ولا أحب أكون في ملطش مع الجمهور، لإني بشتغل للجمهور.. أنا زعلانة، الفن أذواق، ممكن يعجبك، وممكن ميعجبكش، من قبل الحريقة ناس شمتانين، أنا مخضوضة، أنا عملت إيه، مش فاهمة فيه إيه«، ليتدخل عمرو أديب قائلا: «بصراحة الفستان ميتبلعش».

وحول رد الفعل عن الفستان: «جه عندي اللحظات دي إني فكرت في رد الفعل، بس ناس كتير حواليا قالولي تمام مفيش حاجة، حد كبير مثلا موجود في المجال قالي أنا مخدتش بالي».