سامحوني وده اعتذار رسمي مني.. رسالة مؤثرة من أحد ضحايا حادث قطار العياط

تعيش مدينة العياط حالة من القهر والحزن بعد وفاة طالبي ثانوية عامة بحادث دهس قطار الصعيد أثناء عبورهما شريط السكة الحديد بعد عودتهما من درس خصوصي.

 وقام رواد مواقع التواصل الاجتماعي بتداول بوست نشره "عمر هاني" أحد ضحايا حادث قطار العياط عبر صفحته الشخصية على موقع التواصل الاجتماعي فيس بوك والذي تضمن طلب من الجميع بمسامحته وورد بالمنشور: "يوم ما اموت هيموت معايا حلمي وضحكتي وصوتي وجناني وكل حاجة".

"هيعيط عليا اللي بيحبني وهيضحك الي بيكرهني بس عاوز الناس كلها تتأكد اني كنت بحب كل الناس، ولو زعلت حد مني سامحني وده اعتذار رسمي مني قدام كل الناس وافتكرني بدعوة حلوة.. انا مش عارف غلطت كام مرة في حق شخص.. لكن سامحني انا معرفش امتى هيكون يومي.. ممكن فجأة امشي ومرجعش تاني فالدنيا ملهاش امان.. تاني مرة بعتذر لو زعلت حد مني"

"بعتذر لو جرحت حد.. بعتذر لو ازعجت حد.. النهاردة انا "موجود.. ربنا وحده يعلم انا هكون فين بكرة.. فسامحوني" .

وبدأت الواقعة بتلقي الأجهزة الأمنية بالجيزة بلاغاً بوقوع حادث على شريط السكة الحديد بالعياط، وبانتقال قوات الامن تبين دهس القطار لطالبين أثناء عبورهما شريط السكة الحديد.

وبإجراء التحريات والفحص تم التوصل لهوية الضحيتين وتبين انهما يدعيان اسماعيل ابراهيم و عمر هاني طالبي ثانوية عامة يقيمان يقريتي بيدف وطهما بالعياط فتم رفع اثار الحادث واخطار اسرتيهما وتم تحرير محضر بالواقعة.