طرحت عبير أحمد، مؤسس ائتلاف أولياء أمور المدارس الخاصة، وإتحاد أمهات مصر للنهوض بالتعليم، موضوع هام للنقاش بين الأمهات من أولياء الأمور بمختلف المراحل التعليمية، تضمنت: “شايفين الحل ايه من وجهة نظركم لتدافع الطلاب للجلوس في التختة الأولي ؟ ”.
وأوضحت عبير، علي أهمية إلتزام أولياء الأمور والطلاب عند الدخول للمدرسة وعدم التزاحم الشديد الذي يحدث لحجز التختة الأولي خاصة في اليوم الدراسي الأول، وأيضا المدرسة والأشراف بداخلها يجب عليهم تنظيم الجلوس داخل الفصول، والأشراف أثناء البريك حفاظا علي حياة الطلاب .
وناشدت عبير، اولياء الأمور علي عدم التزاحم أمام المدارس صباحا او عند استلام الطلاب، منعا لحدوث تكدس أثناء الدخول أو الخروج .
وتفاعلت عشرات الأمهات من أولياء الأمور علي صفحة إتحاد أمهات مصر للنهوض بالتعليم، وائتلاف أولياء أمور المدارس الخاصة، في الفيس بوك، حيث قالت ولي أمر: “ المدرس او الأخصائيه هما اللي يكونوا مسئولين عن الاماكن ب الأولويه الطالب المستحق انه يقعد قدام سواء نظر او ايا كان ظروفه غير كدا بتكون مهزله”.
وأضافت ولي أمر: “الحل فى المدرس يبقى ليه نظرة مين يقعد قدام سواء قصير او عنده مشاكل نظر او سمع ويبقى لطيف مع الولاد ويدى الأهتمام لكل الاولاد زى بعض ويخليهم يشاركوا زى بعض ساعتها محدش هايحس فرق قدام ولا ورا هيا قصه المدرس فى الاول وفى الاخر ”.
وذكرت أخري: “ الحل المدرس يوزع الايام الي في الأول الاسبوع دا الي ورا يكون الاسبوع الي بعده والي أدام يروحوا ورا ع؛ ان محدش يزعل”.
وأشارت أخري:" ان المدرس يتعامل مع كل الطلاب بنفس المستوى والأهتمام ويوصل للطالب ان الدسك الاخير مش معناه انه طالب مش شاطر وانه لازم يزاحم على المقعد الاول عشان يبقى مهتم بيه ضمير المدرس فى الفصل هو اللى هايخلى الدسك الاول زى الاخير".
تابعوا أخبار بلدنا اليوم على Google News
