أنا تربية ست.. محمود سعد يطالب والد حسام حبيب بالاعتذار لابنه

قام الإعلامي محمود سعد، بمطالبة والد الفنان حسام حبيب بالاعتذار لإبنة، وءلك عقب الرسالة التي وجهها له ووصفه فيها بأنه تربية ست.

وقال محمود سعد في حلقة جديدة من برنامج "ونس" على قناته بموقع يوتيوب: "إمبارح الأب حب يعاتب ابنه ويقول له كلام جارح ومهين، إنت عملت وسويت أصلك تربية وحدة ست، وإذا كان كتب الكلام ده فعلا لازم تعتذر لابنك".

حسام حبيب

وأضاف: "الستات بتربي العيال بسبب خيبة الرجالة وظلمهم وقهرهم للستات، لإن الأب مشغول مش فاضي، أو يروح يتجوز واحدة تانية ويسب لها العيال تشتغل وتكافح، تقوم تقول له إنت تربية ست تقصد بها الإهانة! أظنك كنت تقصد بيها الشرف وإن الست عرفت تربي".

وتابع: "الست لما تربي نعمل لها إحتفالات ونقول لها إنت ست عظيمة وكافحتي، لإن مش ضمن مسؤوليتها الأساسية تربي وتنفق وتعمل كل حاجة، وأنا من أجمل الحاجات اللي حصلتلي إني تربية ست، وعرفت يعني إيه جدعنة وشهامة، وست عندها أربع عيال والشارع كله بيحترمها".

وفي سياق متصل، كان رد الفنان حسام حبيب على المنشور الذي نشره والده عبر حسابه في موقع التواصل الاجتماعي فيسبوك، ووصفه فيه بأنه تربية ست.

وكتب حسام حبيب عبر خاصية "ستوري" في حساب إنستجرام الخاص به: "أنا ليا الشرف إني تربية ست لأنها بميت راجل، وتربية الست دي هي اللي هاتخليني ماردش عليك. حسبي الله ونعم الوكيل".

ويذكر أن كان علق والد حسام حبيب على تصريحات ابنه في برنامج "الحكاية"، الذي يقدمه الإعلامي عمرو أديب عبر قناة MBC مصر، فيما يخص عدم حصوله على أموال من شيرين عبد الوهاب.

وجاء في منشور والد حسام حبيب: "بتقول انك عمرك ما اخدت منها فلوس وانك ما بتشتغلش 4 سنين كنت عايش على قفا مين، وهي قالت لي يابابا انا عايزه اتجوز راجل يصرف علي، وقلت له عايزك تشتغل وتصرف على بيتك عشان تكبر في نظر مراتك وتحترمك، الحب وحده لا يكفي، أخدت مني مليون جنيه عشان تشطب فيلتك وما تعيش في بيت مراتك وها اردهملك ومن ساعه ما اتطلقت، وأنا بصرف عليك ورايح تقول لعمرو اديب وتهاجمني لتاني مره أنك ماتعرفنيش من 14 سنة".

وأضاف: "آه ما بتعرفنيش إلا للمصلحة، وعشان تاخد فلوس، وما دخلتش بيتى سبع سنين وجيت بس تاخد فلوس وقلت ما بتشتغلش عشان شيرين ومشاكلها كانت شغلاك، بقالك سنة مطلقاها ما اشتغلتش ليه بطل حجج، وخليك راجل انت فعلا مش تربيتي، تربية ست طلعت من بيت مامي على بيت مراتك".