تعرضت لقهر وإهانة.. أحدث تصريحات علا غانم في أخر ظهور لها

الثلاثاء 14 مارس 2023 | 11:38 صباحاً
الفنانة علا غانم
الفنانة علا غانم
كتب : آية محمود علي

 أوضحت الفنانة علا غانم حقيقة خلافاتها مع زوجها خلال لقاءها مع الإعلامية ريهام سعيد على شاشة قناة الشمس.

وكشفت: "تعرضت لقهر وإهانة بشعة، تعرضت لسرقة عمرك وشقاكي، كل حاجة عملتها في حياتي في مدار 25 سنة بتروح.. مشكلتي مش اني عشت علاقة زوجية مش سوية لمدة 11 سنة، مش دي مشكلتي.. كل حاجة بتروح، السنين الي راحت هاعرف أرجعهم، يتعوضوا! أي حاجة تتعوض".

وأضافت: "من 2017 وأنا بحاول أتطلق، أنا دفعت ثمن طلاقي أكثر من مرة، في 2018 دفعت نص الي معايا في أمريكا، حوالي 80 ألف دولار، دفعتهمله علشان نطلق.. خد الفلوس دي ونزل مصر وبخ.. نزل مصر ودخل بيتي وقال للشغالين مدام علا لو جت ما حدش يفتحلها.. ده بيتي أنا جايباه بشقايا بعرقي.. اديته 80 ألف دولار علشان نطلق بهدوء وسلام.. عرفت من الشغالين أن ده حصل قالولي أن تشالت اليافطة بتاعتك وحط يافطة باسمه".

وتابعت: "من أول لحظة وأنا تحت خداع وكذبة كبيرة، سلسلة أكاذيب كل يوم بتكبر.. ابتديت بشبكتي الفالوصو، بعد شهر أو شهرين اكتشفت أن أنا لابسة شبكة قزاز.. التبرير كان الظاهر أن الجواهرجي سرقني، كلها حاجات أنا ما صدقتهاش.. أنا عايزة أستمر وأكمل لأني مش عايزة أفشل للمرة الثالثة، مجتمعنا قاسي جدًا ومعايا بنتين معتمدة على نفسي اعتماد كلي".

وأشارت: "أنا اتجوزت آخر 2005، وتركت التمثيل في العام 2017.. أنا ما تجوزتش ولا ملياردير ولا حاجة، اتجوزت رجل عادي مصري أمريكي قابلته بالصدفة بأمريكا، كان عنده محطة بنزين وباعها قبل ما اتعرف عليه، كان عنده مطعم ونايت كلوب برضه كان بايعه".

وذكرت: "اتجوزت عشان كنت محتاجة في المرحلة الي أنا فيها رجل جنبي أكبر مني في السن بحوالي 16 سنة، حسيت أن هو حيكون احتواء ليّ وسند، حيساعدني في الجاي بناتي بيكبروا وبثمل وقتي مش فاضي، انفصلت عن أبو البنات وقعدت 11 سنة سينغل، واتجوزت بعدها فاشلة قعدت ست شهور واتطلقت في ثانية كده والحمد لله.. وبعدها قابلت جوزي السابق".