تعرضت الإعلامية دعاء فاروق على الكثير من الانتقادات بسبب ملابسها بعد قضائها فريضة الحج، وظهرت بفستان سواريه وحلق كبير، وهذا هو الأمر الذي عرضها لبعض الانتقادات من الجمهور.
وردت دعاء فاروق على هذه الانتقادات، وذلك عبر صفحتها على " انستجرام"، وقالت: ربنا خالقنا برقبة والرقبة تحت الإيشارب وفي إيشارب ملفوف حولين الرقبة في إيشارب ملفوف حولين الرقبة ولا مافيش؟.
وأضافت : أنا بقى قدامكم على طول لابسة التلبيسة ولا لا جيت مرة غيرت في طريقة اللفة، ياريت متحشروش نفسكم في الفتحة اللي ظهرت بالرقبة، عيب أما ست تدخل عند ست زيها وتقولها الرقبة أنا بس حبيت أبين شكل الرقبة يعني أنتي ينفع تروحي للجزار تقوليله هات رقبة فايديكي حتة رقبة صغيرة.
أكملت: أنا مش برد عشان أدافع عن نفسي مش موضوعي ولا فارق معايا مين الشخصية اللي بتنتقدني، أنا بالنسبالي بتكلم على الانتقادات اللى جات ليا.
اختتمت دعاء فاروق: عيب تقللوا من قيمة الحج لأنه ركن كبير ومهم من أركان الإسلام عيب واحدة تدخل تقولي أنتي حجيتي تبقى قدوة، هو أنا يعني مش قدوة ولا قدوة الشخص عندكم بقيت بالهدوم.
تابعوا أخبار بلدنا اليوم على Google News
