علي الألفي بثير قلق جمهوره بعد انفجار منزله

أثار  المطرب على الألفي، قلق محبيه بسبب تعرضه لإنفجار كبير في بوتاجاز منزله، مشيرًا إلى أنه شعر ردقنه تم حرقه نتيجه الغاز الذي كان يعمل دون معرفته بذلك الأمر.

وأضاف الألفي عبر «فيس بوك» تعليقًا على الحادثة: «واضح اني ما حبيتش اقلق الناس امبارح فقلقتهم زيادة، ملخص اللي حصل معايا امبارح أن فرن البوتاجاز انطفى وفضل الغاز شغال وانا ما اخذتش بالي ورحت مولع عود كبريت ودخلت ايدي جوه الفرن، حصل انفجار مكتوم وكورة نار، الغاز هب فيا لدرجة أنه من لطف ربنا انه حتى شعر رموشي وحواجبي ودقني اتحرق، وطبعا ايدي اللي كانت جوه الفرن صوابعي اتلسع خفيف كل ده في ثانية واحدة».

وتابع: «ربنا كان لطيف ورحيم ووراني بعيني ازاي النار ممكن تقرب من وشك بس هو يحرسك برحمته بشكر كل اللي سألوا، أنا سليم، والبيت الحمد لله سليم، بس نفسيا بتعامل مع الموضوع».