ملك زاهر تكشف تفاصيل أزمتها الصحية (تفاصيل)

كشفت الفنانة ملك أحمد زاهر عن تفاصيل حالتها الصحية التي أدت إلى نقلها للمستشفى مؤخرًا مؤكدة أنها تعافت وبدأت تتحسن بعد تشخيص إصابتها بـ "حساسية شديدة في الدم".

 شاركت عبر حسابها الشخصي على موقع الصور والفيديوهات الشهير على "إنستجرام" ملك جمهورها معاناتها: "أنا والله ما كنت متوقعة كل اللي حاصل ده، أنا لما حبيت أشارك حالتي الصحية كان عشان أنا كنت مخضوضة على نفسي وفكرة إن لا أنا ولا الدكاترة حتى عارفين أنا عندي إيه كانت رعباني".

وأضافت ملك أحمد زاهر : "كنت محتاجة بس أوصلكم إني حياتي فيها الحلو وفيها الوحش وقلت في الستوري إن الموضوع مش الغرض منه القلق وإني مش عايزة حد يقلق عليا أنا كويسة وكده كده أحسن من غيري وعندي يقين في ربنا إنه هيقومني بالسلامة وإن شاء الله تبقى حاجة بسيطة بس من خضتي كتبت مع إن دي مش طبيعتي إني أشارك الحاجات السلبية عموما".

 ملك أحمد زاهر اشكر كل من ساندها

وتابعت ملك أحمد زاهر شاكرة كل من ساندها: "أنا بس مش عارفة أقول إيه ولا إيه من قلبي بشكر كل حد سأل عليا ودعالي والله كله كان بيوصلني وأنا آسفة لو مردتش على حد. وبشكر كل زمايلي وأساتذتي اللي كانوا بيسألوا عليا كل يوم وماسابونيش لحظة وكل صحابي وعيلتي اللي كانوا جنبي أنا الحمد لله بقيت أحسن من الأول وبطلت أروح المستشفى".

واختتمت ملك أحمد زاهر برسالة طمأنة وتفاؤل: "الحمد لله بحمد ربنا إنها جت على قد كده حتى لو الأيام اللي فاتت كانت صعبة واللي عندي ده حاجة مخيفة شوية وخضتنا بس برضه أنا كويسة والحمد لله إننا عرفنا هي حساسية شديدة في الدم الموضوع critical شوية بس أنا مطمنة أنا بخف وبتحسن كل يوم الحمد لله والشكر لله وما فيش حاجة خطيرة بإذن الله وأنا آسفة لو كنت قلقتكم بس ده".