بعد أيام من طرحها.. «ما تقلقش» لـ عمرو دياب تتجاوز الـ2 مليون مشاهدة
حققت أغنية "ما تقلقش" للفنان عمرو دياب ضمن ألبومه الجديد "ابتدينا" صدى كبير بعد طرحها عبر قناته الرسمية على "يوتيوب" حيث اقتربت من كسر حاجز الـ 2 مليون مشاهدة بعد أيام قليلة من طرحها.
وأغنية ما تقلقش ابدا لعمرو دياب من كلمات وألحان عزيز الشافعي توزيع أحمد إبراهيم وميكس وماستر أمير محروس.
وتقول كلمات أغنية ما تقلقش عمرو دياب الآتي:
لأ ما تقلقش انت أبداً
لأ ما تشغلش انت بالك
أقلق أنا وأتعب بدالك
فكرك أنا جاي في حياتك ليه
جاي أنسّيك أي ماضي
جاي أدلّع فيك وأراضي
أرضى بس لو انت راضي
طبعًا أمال انت فاهم إيه
دي الدقيقة معاك بعمري
ياللي عمري ما بتداش
غير وانت جنبي
كل يوم يسألني قلبي
ما تقابلناش بدري ليه
لأ ما تقلقش انت أبداً
لأ ما تشغلش انت بالك
أقلق أنا وأتعب بدالك
فكرك أنا جاي في حياتك ليه
ابتسامتك أنا أشتريها
بالحياة دي واللي فيها
هو مين حسّسني بيها
غيرك انت، وانت عارف ليه
اؤمر انت الأمر يمشي
حد هنا ضايقك هيمشي
من وجودك ما تحرمشي
ما انت عارف، انت عندي إيه
دي الدقيقة معاك بعمري
ياللي عمري ما بتداش
غير وانت جنبي
كل يوم يسألني قلبي
ما تقابلناش بدري ليه
يشار إلى أن الفنان عمرو دياب طرح يوم الخميس الماضي ألبومه الجديد الذي يحمل اسم "ابتدينا" ويعتبر أول تعاون له مع شركة سوني العالمية ويضم 15 أغنية تعاون خلالها مع نخبة من أشهر صناع الموسيقى في مصر والوطن العربي .