خط وسط الزمالك يعبر عن احباطه بعدم الانضمام لمنتخب مصر عبر انستجرام

علق خط وسط نادي الزمالك ناصر ماهر، اليوم السبت ، على استبعاده من قائمة منتخب مصر لكرة القدم والتي تستعد لمعسكر شهر نوفمبر، وتنطلق فى الفترة من 10 إلى 18 نوفمبر الجاري بالإمارات.

كما كتب لاعب الزمالك ناصر ماهر، عبر حسابه الشخصي على انستجرام، أنا آسف إني بنزل الكلام ده، لأنه مش طبعي خالص، بس بصراحة الوضع محبط جدا بالنسبة لي بسبب قائمة منتخب مصر.

كما أضاف نجم القلعه البيضاء ، بكل صدق، أنا شايف إني أستحق أكون متواجد على الأقل ضمن المنتخب، خصوصا إن الموضوع واضح إنه مش فني خالص، لأن كل النقاد والمحللين والصحفيين والجماهير المصرية حتي الناس العاديه بيتكلموا كويس جدا عن أدائي في الفترة الأخيرة.

واختتم نجم الزمالك ، بصراحة، اللي حصل ظلم كبير جدا، وده مالوش علاقة بالكورة، المجهود اللي بذلته كله يروح كده على الفاضي، وأحلامي تضيع بكل سهولة كأنها حاجة عادية، رغم إني عملت كل اللي المفروض أعمله، بجد حرام، اللي بيحصل ده يحبط جبل.

والجدير بالذكر أعلن الجهاز الفني لمنتخب الفراعنة  بقيادة حسام حسن ، قائمة اللاعبين وجاءت كالاتي :

 محمد الشناوي، أحمد الشناوي، محمد صبحي، مصطفى شوبير، محمد هاني، محمد حمدي، أحمد فتوح، رامي ربيعة، خالد صبحي، حسام عبد المجيد، محمد إسماعيل، مروان عطية، حمدي فتحي، مهند لاشين، محمد شحاتة، محمود صابر، محمود حسن تريزيجيه، إبراهيم عادل، مروان عثمان، عمر مرموش، أحمد سيد زيزو، محمود عبد الحفيظ زلاكة، ومحمد صلاح، أسامة فيصل، صلاح محسن، ومصطفى محمد