شاب لفيفي عبده: «هتتشوي في نار جهنم».. ورد غير متوقع من الأخيرة (فيديو)

خرجت الفنانة فيفي عبده، عن شعورها، بعد ما أثار استيائها تعليق أحد متابعيها عبر حسابها بموقع الصور والفيديوهات الشهير «انستجرام»، وقررت الرد من خلال مقطع فيديو. 

وقالت «فيفي» في الفيديو الذي تداوله مستخدمو السوشيال ميديا بشكل كبير، :«إيه ياجماعة في إيه.. مش عجبانا والنار والضلمة والنور.. يعني أنت مُت وبتحكلنا اللي حصلك.. خلاص أنا طلعت من طوعي.. مش هتبقوا أنتم وعين الناس عليا.. ياخي ما تلم بوقك روح أمسك مصحف أقرا قرآن متتفرجش عليا .. وسيبني أنا أعمل اللي أنا عايزاه». 

وأضافت فيفي: «أنا عايزة أروح جهنم أتشوي أنت مالك .. أنت عارف أنا بقول لربنا إيه قبل ما أنام .. بتمنى أنه مياخدش روحي غير وهو راضي عني.. يعني أنا أعرف ربنا أكتر منكم "، مضيفة: "أنا متجهه لربنا من زمان مش من دلوقتي.. وعارفه مليون الميه أنه هيرحمني». 

وعلى الرغم من أن الفنانة فيفي عبده تحظى بجماهيرية وإعجاب قطاع عريض من الجمهور، إلا أنها في الفترة الأخيرة تعرضت لعدد من الانتقادات اللاذعة عبر حساباتها بمواقع التواصل الاجتماعي، وتحديدًا بعد نشر صور جديدة لها أو مقاطع فيديو.