أحد أصدقاء قتيل «أوليكس»: مش أول مرة يتعامل معاهم

واقعة مؤسفة تعرض لها طالب بكلية الهندسة جامعة بنها، بعد أن وجد إعلانا عن بيع جهاز "لابتوب" على موقع التسويق الإلكتروني "أوليكس"، ليتواصل مع واضعي ذلك الإعلان لشرائه، قبل أن تستدرجه تلك العصابة إلى مكان مهجور وتهم بقتله وسرقته على الفور.قالت نهلة محمد أحد أصدقاء المجني عليه : «كل الفكرة ان محمد كان عاوز يشتري لاب يعمل عليه مونتاج لفيديوهات هو بيعملها ف كان بيدور ع لاب ماك وفقا لامكانياته وشاف اعلان علي موقع olx نزلوه الناس اللي قتلوه بيعرضو فيه اللاب توب بسعر اقل من بره ف اتفق معاهم انه يشتريه وراح قابلهم عند مساكن شيراتون يوم الاربع بالليل وللاسف حاولو ياخده منه الفلوس وهو قاوم لان الفلوس دي هو تعب ف تجميعها شهور ومكنش سهل انه يسيبهالهم ف للاسف قتلوه بالطريقه الوحشيه دي لكن هو مكنش يعرفهم قبل كده خالص والمبلغ اللي كان معاه كان 25 الف جنيةواضافت هو باع حاجات قبل كده واشتري بس مش من الاشخاص دول خالص هو حد جدع جدا ومن الناس اللي ف حالها وكل الناس بتشهدله باخلاقه والتزامه واحترامه وعمره ما سبب مشكله مع حد.وأكدت «ايمان»..... لاء مكنش يعرفهم اول مرة يتعامل معاهم لما كان رايح يقابلهم علشان يشترى اللاب اللى نزلو عرض عليه فى OLX ...حياة طبيعيه هو كان بدأ بس يعمل حلقات veloge على الفيس بوك وكان لسه فأول المشروع وباقى التفاصيل زى اى شخص طبيعى عايش.لاء هو اتعامل كتير كان بيبيع عليه ويشترى وكان اخر حاجة عارض الكاميرا بتاعته للبيع على الموقع لاء خالص مكنش على خلاف مع حد كان حد محترم جدا وفى حاله وهادى ومرح ودايما ليه دمااغ مختلفه بتميزة فدفعتنا عن اى حد ومجتهد جداً هو عارف هو عاوز ايه ومحدد هدفه كمان ربنا يرحمه يارب.