بعد 9 سنوات زواج.. ناريمان في دعوى خلع: ”بحب واحد تاني”

وقفت سيده في العقد الثالث من العمر أمام محكمة الأسرة، وعيناها لم تفارق الأرض منكسره، بسبب علم زوجها بخيانتها له، موضحة أنه "مش بيفرق معاه حاجة" لأن فكره أوروبي، وبعد 9 سنوات من الزواج، أقامت ناريمان، 33 عامًا، دعوى خلع، حملت رقم 4826/2018 لاستحالة العشرة مع زوجها ، 37 عامًا.

بدأت الزوجة قصتها قائلة "اتجوزت بشكل تقليدي عن طريقة واحدة صحبتي وتمت الزيجة سريعًا، وحملت في بنتي الكبيرة مليكة 8 سنوات لكن بدأت بينا مشاكل كثيرة، بسبب اختلاف الفكر والثقافة طول الوقت خاصة أن زوجي تربى في دول أوروبا، ثم بعد أربع سنوات أنجبت وآدم".

وتابعت ناريمان: "قضيت سنوات طويلة في محاولة لإصلاح زوجي، لكنني رفعت راية الاستسلام،، سنين عمري بتجري وهو مش هيتغير، عملت معاه كل حاجة ممكن تغيره، اتكلمت بالهدوء واتخانقت".

وأضافت: "وصل الأمر بنا أنني اتعرفت على واحد، وهو عرف لكن مفيش فايدة، هو معندهوش نخوة ورمى طوبتي خلاص لكن مش عايز يطلقني عشان أفضل قاعدة كدا، انتقام أو غيره مبقاش فارق معايا، أنا صغيرة وعمري بيجري قدامي وهو بعيد عني من سنين وعمري ما حسيت بيه ولا حسيت إني متجوزة زي الناس راجل يحميني ويخاف علي ويغير علي، جوزي بارد في كل حاجة لا يعنيه أي شيء غير نفسه وأولاده وبس".

وأنهت السيدة الثلاثينية حديثها: |وصلت لحالة من الإحباط واليأس، دفعتني للجوء إلى محكمة الأسرة، "جوزي هاجرني من بعد ولادة ابني الثاني، ومبيقعدش في البيت بالأيام ومبيدينيش حقوقي الشرعية، ولا بيسأل فيّ كل اللي بيهمه يرميلنا قرشين للولاد وبس، وصل الأمر إني اتعرفت على شخص تاني وشاف رسايلنا سوا وأنا اعترفتله إني بحب الشخص ده، وعايزة أطلق عشان أتجوزه رفض يطلقني ومعملش أي حاجة".