"مكنش قصدي".. القصة الكاملة لمقتل عامل في المنوفية

سجل أحد شوارع مدينة السلام، خلال الساعات القليلة الماضية، أحداث مسرحية دامية، دارت تفاصيلها بين سائق سيارة أجره، وعامل بأحد المصانع، وانتهت بكتابة السطور الأخيرة في حياة العامل، بسبب مشاجرة بينهما على أولية المرور.

"مكنش قصدي أقتله إحنا اتخانقنا وكنا بنضرب بعض لكن مكنتش عايز أموته بس الغضب خلاني مش شايف حاجة قدامي لأننا سبينا بعض وبعدها مبقتش شايف حاجه قدامي واتفاجئت إني ضربته بالمطوة اللي كانت معايا ".. بهذا الكلمات تحدث أحمد صلاح، البالغ من العمر 21 عامًا، والذي يعمل سائقًا، خلال التحقيقات التي أجرها أمام النيابة، بعدما قتل عامل بمصنع البلاستيك، في مدينة السلام، إثر مشاجرة بينهما على أولوية المرور بالطريق.

وأمام نيابة السادات اعترف المتهم بقتله للعامل "علاء" صاحب الـ22 عامًا بعد مشاجرة بينهما على أولوية المرور واعترف تفصيليا بارتكابه للواقعة وسرد تفاصيل الواقعة.

"أنا مكنش قصدي أموته احنا اتخانقنا بعد مشادة كلامية على أولوية المرور من الطريق وبعد ما شتمنا بعض اتطور الموضوع ونزلنا من العربيات وبدأت خناقة بسيطة بينا؛ والناس اللي كانت موجودة حجزوا بينا وبعدنا عن بعض لكن فضلنا نشتم بعض، وبعدين ماحسيتش بعد كده بحاجه غير والمطواة في أيدي ولقيته واقع على الأرض والناس بتشيله وبتجري بيه، بعدها مابقتش شايف حاجة والدنيا بقت سودة في وشي ولو رجع الزمن بيا تاني مكنتش هتخانق معاه من الأساس ولو شتمني كنت برضه همشي لأني مكنتش متخيل الموضوع يوصل لكده وربنا يسامحني على اللي أنا عملته ده".

تعود تفاصيل القضية حينما، لقي عامل مصرعه على يد سائق بدائرة مركز السادات بمحافظة المنوفية، لخلافات على أولوية المرور بالطريق.

تلقى اللواء سمير أبو زامل، مدير أمن المنوفية، إخطارًا من اللواء سيد سلطان مدير إدارة البحث الجنائى يفيد باستقبال مستشفى السادات العام "ع ر ع " 22 سنة، عامل بمصنع الصقر للبلاستيك، مصابا بجرح طعنى بالصدر وتوفى عقب وصوله.

أشارت التحريات إلى قيام " ا ص ح " 21 سنة، سائق، مقيم بمدينة السادات، بالتعدى على المجنى عليه بالضرب وإحداث ما به من إصابات لخلافات على أولوية المرور بالطريق تم القبض على المتهم.

وبمواجهته اعترف بارتكابه الواقعة، وجار عرضة على النيابة لمباشرة التحقيقات.