مُعجب يُحرج زينة بعد تعليقها على حادث معهد الأورام

هاجم أحد المتابعين الفنانة زينة عبر صفحتها على موقع التواصل الاجتماعي الشهير "إنستجرام" من خلال التعليق على ما نشرته زينة بشأن حادث معهد الأورام الإرهابي.

ونشرت زينة في عبر صفحتها الشخصية عبر "إنستجرام" صورة لسيدة تحتضن طفلها المريض وعلقت عليها قائلة: "عاجزة قدام نظرة الرعب اللي أقوى من مرض السرطان نفسه اللي في عين الست دي، خوفها اللي بيزيد على ضناها في المرض جالها خوف أقوى من المرض نفسه حسبي الله ونعم الوكيل".

وواصلت الفنانة زينة: "الواحد عنده كمّ وجع ومرارة غير طبيعية وعجز من نظرة الأم اللي ربنا العالم بقلبها واللي فيه وفي كام أم زيها وفي كام قلب محروق على ضناه مش مكفيهم وجع قلب كل أم على ضناها من مرض ما بيرحمش وسهر ودعاء ووجع لا كمان يحرموهم من حس عيالهم في الدنيا انت القادر الحكيم المقتدر المنتقم".

فيما علق أحد متابعيها مهاجما: "طالما قلبك وجعك من الصورة دي طاب ما تساعدي الناس دي وكل الأطفال دي مش انت بس باقي الفنانين بدل الساحل والحفلات اللي بملايين من وجهة نظري الكلام أو البوست مش هيعمل حاجة طبعا حضرتك هتردي وهتقولي مين قالك إني مش بساعد الناس دي أو غيرهم وانا هقولك إيه فائدة المساعدة طالما مش في المكان الصح أو تكون مساعدة بجد".

لترد الفنانة زينة عليه قائلة: "اتبرع إن شاء الله 10 جنيه وأنا اتبرعت وكل ما أقدر هتبرع.. مبسوط كدا لازم اقول".

عاجزة قدام نظرة الرعب اللي اقوي من مرض السرطان نفسه اللي في عين الست دي 💔خوفها اللي بيزيد علي ضناها في المرض جالها خوف اقوي من المرض نفسه ...حسبي الله ونعم الوكيل الواحد عنده كم وجع ومرراه غير طبيعية وعجز من نظرة الام اللي ربنا العالم بقلبها واللي فيه 💔 وفي كام أم زيها وفي كام قلب محروق علي ضناه مش مكفيهم وجع قلب كل أم علي ضناها من مرض مابيرحمش وسهر ودعاء ووجع لا كمان يحرموهم من حس عيالهم في الدنيا ...انت القادر الحكيم المقتدر المنتقم ... يااااارب انتقم من كل ظالم ارهابي قتل وأتسبب في موت أطفال مرضي غلابة ووجع قلوب امهاتهم ياريت كلنا وانا اولكم نحاول نتبرع وربنا يقدر الجميع يمكن نقدر ننقذ اللي باقي وربنا يقدرنا جميعا #حداد_علي_اطفال_مصر_المرضي الحداد المرة دي صعب اوووووي #مصر_قويه_بولادها_وجيشها #حسبي_الله_ونعم_الوكيل #اطفال_مرضي_يا_كفره A post shared by Zeina Reda (@zeinareda29) on Aug 5, 2019 at 5:32pm PDT