عمرو أديب عن تتويج الزمالك بكأس مصر: "أيام مفترجة.. بيراميدز كان تعبان"

علق الإعلامي عمرو أديب، على تتويج الزمالك بكأس مصر، بعد فوزه على بيراميدز بثلاثة أهداف مقابل لا شئ، قائلا، "هناخد السوبر والدوري الجاي".

وأضاف أديب، خلال تقديمه برنامج "الحكاية"، المذاع عبر فضائية "إم بي سي مصر"، "الناس طول اليوم بتزن في دماغي، وبيقولوا هتعملوا إيه النهاردة، أدينا عملنا، وكسبنا 3/ 0، والمرة 27 الزمالك يأخذ الكأس لأجدع ناس، وحاجة محترمة، ومدرب كويس، وشه حلو علينا، ولعبنا ماتش كويس، والحمد لله بيراميدز كان في أسوأ حالاته في هذه الأيام المفترجة، وحالتهم كانت تعبانة".

وتابع مقدم "الحكاية"، "الحمد لله كسبنا الماتش عايز يبتدي يجيلي تهاني، ومش عايز تريقة أو نكت، أو حد يقول ما هم يا عيني، ما صدقوا، قلبي انشرح للكابتن ميتشو، وحاسس إن ربنا هيكرمنا معاه، والصور بتقول إن مصر كلها زملكاوية بس مبيقلوش".