هاني الناظر يوجه رسائل هامة للمواطنين لأداء صلاة العيد جماعة

قال الدكتور هانى الناظر، رئيس المركز القومى للبحوث الأسبق، إن الجميع يتمنى العودة لممارسة حياته الطبيعية، موضحًا :" الناس نفسها ترجع الشغل تاني وكمان تصلي العيد باذن الله جماعة في ساحة المسجد واكيد بتحلم ترجع تاني تخرج مع أصحابك وتروح النادي وتتفسح وتركب فلوكة في النيل ونفسك تاخد الولاد وتروح المصيف وتعمل حاجات كثير ثانية اتحرمت منها الفترة اللي فاتت وطبعا نفسك تخلص من حدوتة كورونا اللي خنقت حضرتك".

وأضاف الدكتور هانى الناظر، خلال رسالة بعثها من صفحته الشخصية على الفيس بوك للمواطنين، أن: " كل ده ممكن بمشيئة الله ولكن المثل بيقول ايه ؟ بيقول اللي اوله شرط آخره نور ! طيب ايه هو الشرط ؟ الشرط يا سيدي أن حضرتك تتعود دائما من هنا ورايح انك تلبس الكمامة في اي مكان فيه ناس كثير اوتوبيس ولا مترو ولا شغل ولا سوق وكمان تخلي مسافة بينك وبينهم واوعي الزحمة ..اما موضوع غسيل اليدين بالماء والصابون هيبقي منهج أساسي في حياتك في البيت والشغل ومفيش حاجة اسمها اكل عريان في الشارع ولا أكل مع حد في طبق واحد ولا كوب واحد وإياك تكح أو تعطس من غير المنديل الورقي اللي هايكون دائما في جيبك علي طول ليل نهار وفي كل مكان وخليك فاكر أدواتك وملابسك وحاجات الشخصية مفيش حد يستعملها غير حضرتك اما حكاية انك وانت ماشي او وانت في العربية ترمي حاجة في الشارع دي تشيلها من دماغك نهائي …من الآخر نظافة ونظام ووقاية وروح شغلك وعيش حياتك وانت مطمئن وهانت يا سيدي باذن الله".

وقد كشف الدكتور هانى الناظر، أن "الإصابة بفيروس كورونا المستجد مش عيب ومش وصمة عار"، مؤكدا أنه في حال ارتفاع درجة حرارة الجسم أو الشعور بتكسير فى البدن أو أى نوع من أعراض فيروس كورونا لابد من الاتصال بـالخط الساخن 105.

وأشار الدكتور هانى الناظر،، إلى أن أغلب من انتقلوا إلى مستشفى الحميات مصابون بفيروس كورونا وتوفوا كان السبب أن حالاتهم متأخرة متدهورة.

وأشار رئيس المركز القومى للبحوث الأسبق، إلى أن عجلة العمل بدأت فى التحرك من جديد ولا بد من ارتداء الكمامة أثناء التنقل بالمواصلات العامة أو الجلوس وسط مجموعة.

وأوضح رئيس المركز القومى للبحوث الأسبق، أنه يمكن حدوث مضاعفات للمصاب بـ فيروس كورونا وهو ما قد يتسبب فى الوفاة فورًا، ولكن عند توجه المريض للمستشفى فإنه يمكن التعامل معه فى الحجر وأن يتعافى من المرض.

وأشار إلى أهمية الإبقاء على التفاؤل، قائلا: "بإيدك أن تتحكم فى انتشار المرض، حافظ على نفسك وإن كنا غلطنا وات

جمعنا فى عزايم رمضان نرجع عن العادات دى فى الوقت الحالى حتى لو كنا عيلة واحدة لأن فرد واحد ممكن يصيب الكل".

اقرا ايضا

تعرف على الفرق بين دعوى صحة ونفاذ عقد البيع وصحة التوقيع

أغرب من الخيال.. زوجة تطلب الخُلع بسبب مواقع التواصل الاجتماعي