مش على فلوس المشكلة تقدير.. حمو بيكا يكشف تفاصيل أزمته مع عمر كمال

استنكر مطرب المهرجانات حمو بيكا تنمر صديقه عمر كمال عليه قائلًا: "الخناقة مش على فلوس، القصة كلها 10 آلاف جنيه".

وأضاف حمو بيكا، خلال مداخلة هاتفية ببرنامج "التاسعة" المذاع عبر القناة الأولى المصرية، مع الإعلامي وائل الإبراشي، قائلا: "أنا اتفقت على أغنية وهو كان موجود فيها، والمشكلة مش على فلوس ولكن هي مشكلة تقدير، اتفقت معاه وقالي إنه جاي ومجاش وقفل تليفونه وخلا مدير أعماله يقولي إنه هيسجل الأغنية وبعد كده ما سجلهاش، أنا من الأول قولتله عايز تعملها اعملها ولو مش عايز ماتعملهاش".

وتابع: "عمر كمال قال عليا أنا بكرش، أنا بكرش وإيه المشكلة واللي معندوش كرش ميسواش قرش".

وعن اتهام عمر كمال لحمو بيكا بأنه يضمنه بـ2 مليون، رد حمو بيكا: "أنا لو معايا 2 مليون إيه إللي هيخليني أغني وأعمل كل ده، أنا راكب عربية بـ 2 مليون جنيه بس جايبها قسط، وبدفع لها كل شهر 70 ألف جنيه، أنا بقالي أكتر من شهر مبنزلش ولا فرح".